過左 Christmas, 依然仲係好 Holiday mood, 不過呢 2 日我都要番工. Office 真係水靜河飛, 一個community centre 入面數埋唔過 10 人呀, 個個都羅晒 A/L 放長假, 就算番緊工的, 都悠悠閒閒冇野做等放工咁, 而我就係其中一個, 尤其我就黎放大假期, 手上的野清得就清, 老細知我就放假, 又 hold 住唔洗我做, 搞到我閒人一個, 仲可以打番 HK 同朋友傾電話添 …. 
呢個 Christmas 實在太懶煮, 又難買新鮮料 所以冇搞到 Party, 今日等 d shops 開番晒, 就帶埋阿媽約埋朋友去打個邊爐當 Christmas 大餐 ! 呢次係去左間川菜館度打麻辣火鍋 ! 我地只係叫中辣, 而且仲聽個 waiter 的建議, 改為外面係清湯, 中間係麻辣, 嘩 ! 好在係中辣, 唔係真係唔知點頂囉 
, 不過確實係幾惹味的 ~
呢度料的份量同質數都比上一間好 (除左無啦啦有幾條田雞腿之外 !!), 而且佢係真係任你 refill 的, 但價錢相對貴 d, 要18 pounds 一個人, 加上叫埋野飲, 埋單要 85 pounds, 以對 1:16 黎計, 即係要 HK$1350 !
阿媽由第一日落機就已經嫌英國物價貴, 今日食埋呢餐, 我諗佢短期內唔會再黎英國囉 .. 呵呵 ~ 
(o拿, 呢個唔係我的詭計黎架 !)
