回到HK 的第四日, 終於開始我的遊客生活 !! 呢一日我開左架車去左大埔, 食下 D 比較"Local"的野食, 首先去新蔡潤記度食番碗魚旦河, 仲要飲支好耐冇飲的暖維他奶添 ! 跟住行左入個 Square (個墟 ?!), 見到有一班人係度排"阿婆豆花", 我就食唔落成碗, 只係偷左一啖食, 又真係好滑喎, 但最欣賞的係豆花婆婆的笑容 !!
係呢個墟仲有 2 樣野我以前好多時會買的. 1. 嘉頓專門店, 我買左一盒 Fortune Cookies for 今年農曆新年. 2. 振興肉丸店 – 最愛買呢度的墨丸同牛筋丸, 不過今次番黎, 佢大裝修過, 小走廊的門面冇左, 變成一個新式大門, 而且仲有凍櫃, 好似 cake shop 咁添 ! 仲有墨丸個價好似加左好多喎, 成 50 幾蚊斤 !!
食飽就開車去大尾篤 (唔鍾意個新字 大美督 !!!) 同新娘潭度走走, 可惜呢排少水, d 潭水/ 河水真係好少, 只係見到唔同的山同石囉 ! 最後行左大半個下晝, 我地又停左係大尾篤的一間茶座 (!?) 食 tea, um … 不過不失咁啦, 但實比 UK 的好食 !!!
到左夜晚, 我地仲開左架車去布袋澳度食海鮮添呀, 下個文章先放相上黎 !!
