再次番到 HK 的第二日, 要去九龍城取眼鏡, 咁就係o個度食埋 Lunch 啦 ~
今次冇做咩 research, 隨便去左間越南餐廳, 叫左: 香茅豬扒檬, 越南春卷, 牛肉濱海, 同一個好普通的越南炒粉, 老表仲叫左個 滴漏咖啡. 食品普普通通咁, 冇咩驚喜, 不過好一陣子冇食越南野, 咁咪係番UK 前回味一下啦, 不過咁又 $ 200 啦 ~
攞左眼鏡之後, 仲周圍行下先, 見到公和老店, 咁不如入去食番個豆花啦 ~ 老店店面的裝修依然非常懷舊, 仲見係用古老大缸黎整豆花, 我要左個只有星期六, 日先有的芝麻黑豆花 ($12), 灰色的豆花, 我真係第一次食咋 ~
之後仲去左么鳯買少少賀年食品, 嘩! 呢間野的貨品都幾貴, 但依然人頭湧湧, 我匆匆咁掃左幾包非常冇過年 Feel 但我係 UK 又恨食的旦散, 蝦子春卷, 魚皮花生, 齋雞 (夠竟點分雞同鵝 ?!) 同埋川貝陳皮, Haha, 係咪有 d 奇怪呢 ?!
去完九龍城之後, 實在受不了多人的城市, 所以開車去左西貢, 睇下d 流動海鮮檔 !! 咦… 好似 d 船檔比 2年前仲多左喎, 見到 d 海鮮真係好想買番屋企架 (特別係佢黃昏時開始減價), 可惜呢日要同婆婆食團年飯, 咁唯有只可以望, 唔可以買啦 !
行埋去天后廟前, 有個 mini 花市, 只有花賣的真正花市!! 係回程路上, 竟然俾我係 Carpark 對面的一家家居店見到個好吸引, 白色毛茸茸的 cushion, 忍唔住抱左佢回家, 正密謀運佢番 UK, 有冇人知邊間海運公司抵架, 介紹下好喎 ?!
