年三十, 又要再一次去九龍城, 因為新買的眼鏡, 竟然唔夠一日就斷左喎, 仲話係 Titanium 添, 好在老細肯換番個俾我咋 ~
今次我地本來打算去試清真牛肉館, 但係真係好多人等位呀, 由於我地太肚餓等唔切, 結果去左隔離幾條街度食大婆牛肉麵, 以前未食過架, 叫左牛肉麵, 酥炸排骨麵 同埋 雲吞, 嘩 ! 唔怪得要 38 蚊碗, 佢 portion size 都幾大架喎, 食一碗都好飽下囉 ………..
食飽我地就要行下買埋團年飯的甜品 – 湯丸, 阿媽好堅持要自己包, 但我見度相入面呢盒咁 old school 包裝的湯圓, 點都要買一盒, 佢要包麻蓉, 我唯有買包小的豆沙湯圓啦 ! 而呢枱一張 9 碟的家庭飯, 就係我地今年的團年飯啦, 係咪好豐富呢 ~
呢盆花入面的劍蘭就係我前一晚幫手賣的產品, Haha, 幫手的收獲就係可以係花堆中搵到把靚花啦, 咁我地當然有俾番利是俾我朋友啦 ~ 當晚仲買好靚的菊花添呀, 至於桃花就係老豆以 9 秒9 的速度, 係人群中衝入花市度買的 ~
