大年初一, 一早就入屯門同婆婆拜年, 仲有就梗係去食婆婆的出品, 最受我地歡迎, 非常好味的南乳炒齋啦, 連我個排骨細佬都會因為咁肯食番碗飯呀 ! 食過開年飯, 坐低飲番杯茶, 開始等各家親戚自動送上門, 不過等左 2 個鐘左右, 我開始發呆, 加上婆婆家只有一座暖風機, 我同細佬直頭縮左o係o個度唔郁, 因為我同佢都係慣左有暖氣的人, 我地慣到咁凍的(英國)天氣, 但絕對唔可以冇暖氣架嘛 !!! 就係咁我下晝決偷走番屋企, 等夜晚夠鐘先再番去食團年飯, 不過中間呢想襯住旺角今日會少人d, 所以出左去行一轉, 今年番黎都未去過旺角, 我真係仲未有咁的適應能力呀, 好在呢日出去的人流仲算接受到, 所以即使好多店舖都未開, 我都可以安安樂樂咁行 2 個鐘, 我仲食左 d 街頭小食添呀, 有 牛雜, 炸大腸, 咖喱魚旦 同 炸魷魚鬚…