年初二, 悠閒的我已經唔洗去拜年啦, 咁我就去左屋企樓下的沙田新城市食番個 Lunch ! 番左黎都有 4 星期啦, 但真係冇乜點黎呢度, 即使去都只係揀閒日放工前, 星期六日我係一定唔會去架, 只係泊車都要排隊, 你可以想像個商場有幾多人啦 ~
呢日我差唔多 1pm 去到, 去左 2 年未去過的 Pokka Cafe 度食飯, 只見佢舖位搬左去對出的廣場, menu 都係 updated 過, 多左幾款唔同的鐵板食品, 是日 set lunch 都有 2 個鐵板餐, 唔少顧客都有 ordered, 但我反而要左個 日式咖喱炸蝦飯, 而老表就叫左 韓式牛肉泡菜炒飯, 另外叫左 2 個小食 鐵板牛脷 同 炒什菇, overall 食品都幾好食, 依然 keep 到佢的水準, 最有趣係個炒飯, 佢係鐵鍋上菜, 侍應生仲會係我地面前, 一邊炒下個飯, 一邊為下配料, 好似食緊韓國石頭鍋飯咁, 不過我想佢俾我自己玩多 d 喎 !!! 最後要左杯 Hokaido mocha, 反而呢杯 coffee 就有少少失色, 未達到我對 Mocha 的 Standard 呀 ~
食完飯就係商場行下, 好多店舖都未啟市, 但商場依然好多人, 人群仲有 expand 的趨勢添 ~ 行得咁上下, 頂唔順人潮, 我都係走人啦 !!
