呢排工作上真係好忙, 放完個長假番黎, 換來係俾人借左出去俾個麻煩 senior, 結果開始一人頂二份工的生活 ! 經過 2 個星期的調整, 個人仲未消化到枱頭的 2 大張會生長的 To Do List, 以為o係英國做公家野就少 d 辦公室政治啦, 點知一樣俾人點, 俾人玩, 搵多我 2 倍人工, 但佢應該做的野就俾左一半我, 既然咁鍾意玩, 咁我轉左工睇你搵邊個玩 
~
禍不單行的係電腦年紀大, 開始發脾氣, 行得好慢之餘仲時不時死機 reboot, 好在佢尚俾機會俾我 backup 番晒 d 相同 files, 唔係就真係大鑊啦, 唔知佢仲可以捱到幾耐呢 
?!
雖然係咁, 今日好開心約左朋友食飯, 佢地帶左我去老遠的地方食 Indian foods (開左成半個 hrs 車都有啦 ~) ! 講到食印度野, 除左去印度, 就數英國有最多同最正宗的印度餐廳, 不過之間的水準真係好參差, 今日呢間餐廳一來幾平, 平均 8 pounds 1 個 main course, 仲可以揀雙拼, 結果今晚我地 5 個人, 張枱上就有 10 dishes, 另外加 rice (1 mushroom, 1 pilau) 同 naan breads, 真係一枱都係呀 !! 至於 main course 真係個個都唔錯, Indian dishes 好多時都好多油, 好滯, 但今晚食到的真係幾好, 至少一層油都見唔到, 而且個 sauce 濃度味道剛剛好, 用黎配飯同 plain naan bread 都一流, 特別個 naan bread 大大片, 烤得香香軟軟, 真係太令人滿足啦 !! 
食完飯, 帶埋朋友的 2 隻狗狗一齊番到去佢地屋企, 我地就開始打 Wii 啦 ~ 老實講 Wii 出左咁耐, 我第一次玩咋 (大家唔好奇怪, 呢度 UK 黎架, 我朋友都係 HK 搬番黎架咋 !!), 原來真係好攰架 !! 由打 tennis, 玩到賤兔 (呢個真係好好玩, 好好笑, 公仔真係太賤啦 ~) 再到 Olympics, 結果玩到 11 點半先番屋企, 但隻手開車時真係手震震呀 !! 仲要玩時好小心, 唔係一陣錯腳踩落狗狗度就慘啦 !! Haha, 朋友好醒, 佢地有架 Wii 之後, 就可以成日引我去幫佢地做廚啦, 仲會自動上釣個隻 ~ 
PS 話時話, 打 Wii 真係幾解氣, 仲好過打小人呀 !! 
