今日天氣幾好, 我就同埋四葉妹妹去 Canon Hill Park, 諗住一齊逛公園啦, 點知時陰時晴的天氣, 令到四葉妹妹突然發脾氣, 仲狂性大發咁o係公園脅持左牛牛, 以下就係現場的報導 :
本來四葉妹妹好開心係咁一邊食住雪條, 一邊欣賞緊初開的花花.
佢仲好開心咁要求同 D 花花影下相添 !!
而o係附近, 牛牛亦好悠閒地逛逛大草地, 食緊佢的午餐.
突然天氣開始轉差, 四葉妹妺心情亦變壞了, 呢個時候, 佢唔知o係花海邊度搵出一把水槍, 繼而無定向四處狂奔 ! 你睇下佢個樣幾咁兇狠 ?!
當四葉妹妹到達大草地時, 突然停下, 似乎有所發現喎 !
原來四葉妹妹係草堆後, 發現左牛牛, 佢當時毫不猶豫咁用水槍指嚇牛牛, 要牛牛聽命於佢呀 ~ (牛牛心諗: 你咁突然衝出黎, 想嚇死人咩 !!)
四葉妹妹好迅速咁爬上牛背, 原來佢見就黎要落雨, 就迫牛牛送佢番屋企, 牛牛係佢脅持下亦只好妥協. (你睇牛牛個樣幾無奈 ?! 而四葉妹妹就係度發號施令 ~)
最後, 四葉妹妹好順利咁番到屋企, 加上太陽又出現番, 心情即刻好晒, 佢仲話好有成功感添 (你睇佢笑得幾開心就知啦 !!!), 而可憐的牛牛唯有暫時係我度借宿一宵啦 ~
而我俾佢地玩左一大輪, 就整番個 Banana + Strawberry Smoothie 係家中嘆下啦 ~
~ 完 ~
P.S. Haha, 我係咪好無聊呢 ?! 
用傻瓜機玩的一個遊戲, 但總算影得唔錯吧 ~ 我係公園影相時, 好多時四葉妹妹都企唔穩, 要搞好耐, 有 d 覺得其他遊人會以為我係傻架 !! 期間仲有有 2 隻狗, 無啦啦向住我衝埋黎, 嚇左我一跳, 我幾驚佢會咬走四葉同牛牛呀 !!!