係 New Zealand 的每一天都係早出晚歸, 呢一朝都唔例外, 但如果一朝早可以o係個咁好 View 的 Dinning Room 度食個早餐, 即使簡單如我的 Milk + Muffin, 相信心情都係會超爽的 !! (P.S. 其實我地都想食豐富 D 架, 始終我地係去旅行嘛, 可惜前一日係 Sunday, 搵唔到 Supermarket 呀 !!) 呢個 Room, 除左係 Kitchen + dinning room, 仲有個 Information corner : 可以上網的 pc, books, maps, 仲有以往住客所畫所寫的石頭, 其中一個真係幾靚架, 所以影左張相 !!
食過早餐, 我地就離開 YHA, 出發去今個 Trip 的第一個行程 – Whale Watch !! 其實由呢日開始, 我地出入 YHA 都好似鬼咁, 夜晚夜一夜先到, 第二朝晨咁早出門, 個 Reception 連我地人影都未見過, 只會知間房俾人住過架咋 ….
Kaikoura 以前本來就係一個捕鯨業熱點, 由於擁有獨特的海洋地理環境, 吸引好多海洋野生動物同雀鳥係呢個水域居住, 係 19?? 年 New Zealand 政府正式全面禁止捕鯨, 呢度的居民都一度擔心會失去經濟來源, 好在佢地好醒目咁將殺鯨改為觀鯨, 慢慢 Kaikoura 就成為 New Zealand 其中一個出名的景點, 每一年都有好多人特地黎呢度睇海豚同鯨魚架, 而我地就係其中 3 人啦 !!
呢朝早我地就跟 Whale Watch (http://www.whalewatch.co.nz/) 呢間公司出海睇鯨魚, 我唔可以肯定佢係 Kaikoura 唯一一間, 但佢應該係歷史最長o個間, 一日佢有 3 個 tour 時間出海, peak season 就會加多個時間.
我地就 join 左 7:15 團, 不過去 check in 時, 已經被告知呢朝出海會好大浪, 原來o岩o岩早幾日有個 cyclone 經過 NZ, 個 effect 還在, 所以海上仲係大風大浪, 個 tour 仲出到都算係咁啦 !! (呢個麻煩仲直接影響埋我地下晝的行程添呀, 但呢單野下期先講啦 !) 不過我朋友係會暈船浪架, 跟身又冇暈浪藥, 結果大家都應該諗得到啦 ~
話係 7:15 團, 但原來佢係同時有幾隻船一齊出海架, 係我地呢架出海之前, 已經有 2 艘船係海面搵緊鯨魚的蹤跡, 海面真係非常大浪, 唔信你地睇下張相, 一浮一沉之間, 可以唔見左半架船架 !! 我地出左海唔夠 10 mins, 已經搵到第一條 sperm whale, 望住佢成個島仔係咁度載浮載沉, 又時不時係度噴水, 勁影勁手震之下 (因為真係太大浪啦 ~), 我地望左 20 mins 左右, 佢突然一沉, 一個擺尾, 就潛左落水游走左啦 !! 其實 Captain 都有出聲叫我地準備, 但我真係反應唔切, 完全影唔到呀, 而且 sperm whale 一潛左落水, 冇 45 mins 都唔會上番水架啦, 所以 Captain 就開船去搵下有冇第二條啦 ~
我地都算好好彩, 竟然真係遇到第二條 sperm whale, 今次有晒準備, 大影特影, 終於俾我影到佢條尾啦 ! 不過講真, sperm whale 真係太 steady, 望鬼咁耐佢都唔郁下, 部相機 zoom 又 zoom 得唔夠近, 時間長左都幾鬼悶架 !! 可惜見唔到 killer whales, 我真係好想見下"海威"的野生版呀 !! (唔知海威係乜的話, 咁你年紀應該都幾細啦 ~)
除左鯨魚, 呢度仲有海豚, 海豚其實真係見唔少, 之前o係澳洲住時, 無聊行下沙灘都會見到, 而且又 join 過 dolphin watch tour, 都估到係點. 但係估到係一件事, 見到又係另一回事, 我未試過一次見咁多條架 !! 成個海面都係, 佢地係咁勁游亂游, 有時又係度表演咁跳出水面, 真係睇比 sperm whale 興奮多呀 !! 本來我地係睇完 whale 之後, join 左個 swim with dolphin tour 架, 但係因為太大浪的關係取消左, 所以呢下見左面之後, 就冇再見啦, 我真係好想同佢地游水呀 ~~~ (亦因為咁, 我立誓會再番 NZ, 就係為左要同佢地游多水 ! 同當然仲想玩 Heli raft 同 multiday tracking 啦 ~ Haha, 係咪貪心左 d ?! 
)
個 tour last 2 – 3 hrs, 我地睇完 (而我朋友就係嘔完) 就番碼頭, 碼頭的風景都好靚, 呢個 town 好值得一黎架, 只為佢有的 marine life 同 Albatross (信天翁) 已值得留二日玩晒佢啦 !! Dolphin Encounter 呢間公司有做晒 dolphin swim 同 albatross encounter ( http://www.dolphin.co.nz/kaikoura/Dolphin_Encounter/ ).
