我地o係呢個 NZ Trip, 開頭o個幾日總係有 d "黑仔" 野發生架, 仲要一單比一單衰, 呢日算係第一日, 如前文所提到, 我地出海同海豚游水的機會, 就因為天氣差要取消左啦, 真令人失望 
!!!
雖然係咁, 我地即刻更改行程啦, 咁o岩係Lunch time 時間, 想到不如去一個 winery 度食啦, 順手睇下葡萄園 & 試下酒嘛, 結果我地就去左 Kaikoura Winery ~
呢個 Winery 真真正正係背山面海呀, 位於 Kaikoura Town Centre 外, 只要係由 Christchurch To Kaikoura 的方向, 到 Town Centre 前 10 – 15 mins, 係 Highway 左面轉入小路上山, 就會到達山腰上的 winery 啦 !! 一落車, 你就已經見到一大片葡萄於眼前, 旁邊有 1 座木建平房, 我地急不及待就跑上木屋, 因為我地都覺得肚餓啦 ~
走到上木屋, 嘩 ! 眼前呢個海景簡直一流, 只為呢個景 drive 上黎一看都值得, 我地竟然忘記肚餓, 只o係度狂影相喎 ~
到影夠之前, 就入去餐廳 order 食物, menu 好簡單, 而且選擇係好少的 (主要係冷盤), 我地 3 個一致選左暖笠笠的湯, 咪睇天氣好好, 陽光流沛咁, 就以為好暖, 呢日其實好大風, 加上我地o岩o岩出完海, 呢一刻真係飢寒交迫呀 ~ Order 好食物, 我地又跑出去"露天雅座"坐低等食, 雖然係大風左 d, 但有咁好的陽光, 咁靚的 view, 又點會唔坐出去食丫 ~ 好 nice 的 waitress 仲幫我地影左幾張相添呀 ~
食完 lunch, 黎得呢度, 又點會錯過試酒同參觀下間 winery 丫 ! 我住o係 Adelaide 時, weekend 最愛同朋友開車去 Borossa Valley 呢個出名的釀酒區, 名為兜風, 實為呃酒飲, 因為係 Adelaide 的四個酒區, 試酒都係唔洗錢架 ~ 不過黎度 NZ, 我就發覺完全唔同啦, 間間都收, 呢間試酒 + 參觀 tour, 盛為 NZ$ 9.5. Wine tasting 差唔多有 8 / 9 支, 全部你都可以試架, 佢會為你順次序咁倒俾你試 !
Kaikoura Winery 其實年資頗為淺 (98, 99 年先開), 由幾個人合夥黎呢度種葡萄 & 釀酒, 由於地理氣候的關係, 呢度盛產比較 dry 的酒, 而我飲開比較易入口的 shiraz 同 chardonnay, 所以我就唔係咁鍾意囉 ~ (遲 d 介紹一下我係澳洲試飲過後, 帶左支番 HK, 令老豆飲到上左癮, 從此要由間酒廠直接訂的 sparkling shiraz 同 late harvest sweet wine 啦 ~ )
酒唔係咁吸引, 反而有個地方好想睇下喎, 就係佢個非常難起的的 celler, 由於佢藏係山中, 深入地下, 無論外面幾寒幾熱, 入面都係永遠 12 度, 而且地方廣闊, 可以容納過百人, 所以十分多人係呢度舉行結婚派對架, 個 tour 係包埋入去呢個 celler 架, 黑麻麻中都幾有情調的, 而且仲有好多舊酒收藏於此 (當中仲有絕版架添 ~), 好多都唔飲得架啦 !!
