呢日就要離開 Christchurch, 但出門前梗係要先食個早餐先啦, 由於我地已經到過 Supermarket 上倉, 所以呢朝的早餐相當豐富, 有麥包腿旦治 同 阿華田, 食個飽飽, 執好行李上車, 就開始南下去 Mt Cook 啦.
我地呢個旅程中, 都經過幾多有 rail crossing 的路口, 而且仲遇見唔少非常複雜的路口標誌, 真係就咁看一眼, 你係會睇唔明佢想點o個隻, 可借我地成日都飛過左, 冇影低, 唔係可以放上黎俾大家睇下 !
大約 1 個小時左右的車程, 就會經過呢個稱為 "Salmon Capital of New Zealand" 的 town – Rakaia. 本來都冇打算停低的我, 一見到偶像就即刻停低同佢影張相啦 !! 我所講的偶像, 就係呢條大三文魚喇 !! 因為我本身就係一條三文魚, 回到其中之一個鄉下, 見到條放到咁大的三文魚雕塑, 佢仲唔係三文魚界的偶像 ?!
離開 Rakaia 之後, 再沿 Highway 1 南下到 Geraldine 呢個小 town, 我估呢個 town 係好多旅行團會停的中途站黎架, 因為真係幾多遊客 ! 我地第一眼見到就係位於十字路口的 Cherry 檔, 價錢唔算平架, 但勝在新鮮咁o係附近 Farm 度運黎, 而且 Cherry 粒粒飽滿, 又甜又多汁, 加上個睇檔姐姐 (妹妹 ?!) 鬼咁有禮貌咁猛叫我地試食, 仲任影唔嬲添, haha !!
呢個 Town 有個小小的 market square, 由幾間小店組成, 我地都有行過下但貨品唔太吸引, 反而 square 的木雕裝飾幾有趣吸引, 我地係度 hae 下影下相, 偷食夠 cherry 先走人, 點解話係偷食 ?! 咪就係阿 pooh 佢睇得盒 cherry 好緊囉 ~
離開 Geraldine 進入山區, 冇幾耐就會到山上, 見到有個 View pt, 嘩 ! 真係 view pt 黎架, 呢度個景好廣闊. Postcard 一樣, 而我地梗係又係度亂影一餐啦, 真係唔捨得走呀 ~
而呢一刻我地仲未知道, 衰運已經逐漸步近啦 !!
