離開 Mt Cook 尚有個半小時車程的距離, 有個色水好靚, 十分藍綠的湖 – Lake Tekapo. Tekapo 來自Maori 語 : Teka 解作 sleeping mat; Po 解作 night. 由冰川溶下的雪水混和礦物質, 形成此地湖水特有的藍綠色, 本來呢度的降雨量十分低, 陽光時間亦十分長, 但似乎我地來錯時候 or 係我地帶來惡運, 呢日的天陰陰令到湖水看起來都冇咁綠, 而且大風吹得湖面亦不太平靜啦 ~ 
呢度有座 Church of the good shepherd 座落於湖邊, 建於 1935 年, 如石碑所寫 – a memorial to the pioneers of the Mackenzie Country. 教堂人流非常之旺, 旅遊巴一車來一車去, 我地都有入左去裡面睇下, 佢塊大玻璃窗真係好正. 望盡一片廣闊的湖景. 而相隔不遠處仲有一個景點 – the sheep dog statue, 睇黎呢度的人非常重視 d 牧羊狗喎 ! 
就係我地玩得不亦樂乎之時, 竟然發現我地計錯車程時間去 Mt Cook, 由於我地 booked 玩 glacier kayaking, 所以係唔可以遲到架 ! 係咁的情況下, 喜愛開快車的我更係大條道理飛車啦 !!
當時的天氣尚算不錯, 我地一邊飛車入村, 一邊"嘩嘩聲"咁讚嘆大雪山的壯觀同奶藍色湖水的美麗時, 一個急轉彎後, 已經望見一架警車向住我地駛黎, break 都 break 唔切當場捉到, 係車速限制 100km/hr 的路上開到 130 km/hr, 代價係 NZ$ 230 轉眼飛走, 仲要俾警察串我個名唔多人叫之餘, 兼話我算好彩, 如果快多 1 km/hr 就要罰多 NZ$ 70 喎 !! 真係激到嘔血, 都講我地左趕時間架啦, 快 d 抄完俾我走啦, 我知我唔應該 speeding 丫嘛 ~ 
但從來禍都唔會係單行架 ………….
P.S. 大家見到 Mt Cook 的雪山相好望多 2 眼啦, 打後你地係唔會見到架啦 ~ 
===================================================
呢幾日趕著填寫 job application form, 都好一陣子冇寫野去 sell 自己啦, 今次多得朋友拔刀相助, 咁趕都幫我份野大執位, 先可以搞出 2 大版吹噓自己多有經驗的文, 真係自己睇番都打冷震呀 ! 一次過申請 2 份醫院工, 總會有份俾我 in o卦 ~