張相個景係咪好靚呢, 但靚得黎又有 d 假, 似唔似 Wallpaper ?!
尋日我又南下探朋友, 去左佢屋企 meet 後, 就出發去被喻為 "The Prettiest Village in England" 的 Castle Combe.
Castle Combe 離我朋友住的地方大約 30 mins 車程, 沿途都係countryside, 加上難得的好天氣, 真係非常適合去 day trip 架 ! 我地跟住 "阿Tom Tom" 的指示走, 竟然走到上一條單程山路上, 穿過山林&小河, 終於到達隱藏係山中的 Castle Combe.
星期日的 Castle Combe 非常寧靜, 只係偶爾有兩三個遊客行經, 小小的town 以一個涼亭式的 meeting place 為 centre, 附近仲有一間 church, 房屋由中心申展開, 形成一個十字. 石屋係典型英國鄉村式的建築, 門口的 details 位如大木門, 油燈, 信箱及門牌都保留了古代的設計, 每家每戶都好有心機咁將房屋打理得非常乾淨整齊.
我地係呢個 Town 逗留了個多小時, 我帶左四葉妹妹一齊去 (下期預告 !), 所以都影左唔少相 ! 離開前我地仲去 town 的 mini museum, 入面展覽左舊不少照片同剪報, 早於 1930 年左右, 已經有報紙介紹 Castle Combe 為本地旅遊點, 我地仲見到舊時的照片, 唔知點解覺得o個時個 town 的房屋比現在看到的還要多喎 !
離開了 Castle Combe, 誤打誤撞下竟然去左一片 Rapeseed field (or canola ?! 我估係中文算係油菜花田o卦?!), 仲要係閘門大開, 可以入去o個隻 !! 我地梗係第一時間, 停架車埋一邊就衝入去影相啦 ! 玩左拍景, 拍人, 拍公仔, 影夠晒先走, 回到朋友家試試佢的手勢, 是日晚餐十分豐富, 3 個人有 6 個餸呀 !
