呢幾日英國的天氣非常好, 陽光普照, 藍天白雲, 回暖左好多, 都有成 27 度架 !! 咁的天氣要困係 office 真係好難過, 加上 office 的中央 heating system 係壞壞地, 天氣暖到咁都仲著住, 搞到我係入面慘被乾蒸 ….
天氣好, 梗係唔少得帶四葉去公園走走, 上星期我就決定早少少放工 (都唔係好多o者, 早左 1 hr 偷走之嘛 ~), 去呢個叫 Lickey Hills Country Park, 入面係一大片 woodland, 相對係冇咁多colorful 的花花, 反而係參天密林的多, 所以係咁熱的天氣下走著, 都感覺到好清涼 !
以下係四葉妹妹的留言 :
呢日天氣咁熱, 行公園時, 我要食雪條呀! 
等我坐下舊木爛先! 咦 ?! 遠處好似有人行緊黎喎 ! 
喂, 我係呢度呀 ~~ 你見唔見到我呀 ?!
行埋 d 啦, 行埋 d 啦, 我俾 d 花花草草遮住左呀 ~
係囉, 呢度o岩o岩有舊木頭, 可以坐低休息下先嘛 !
呢d 藍色的吊鐘, 搖佢會唔會响架 ?!
咦?! 背景顏色同我的頭髮一樣架!! 你睇我唔到, 你睇我唔到… (我可唔可以要個松果呀?!)
喂喂… 你係咩黎架, 個樣咁怪的?! 一齊影張相丫 ?! 
怪草草, 好好太陽呀, 一齊晒下啦, 咪擰埋一邊嘛 ~