星期日架車終於完全跪低, 經歷過動彈不得地死係大十字路口之中, o個種徬徨緊張真係…. 事已至始,已經唔到我去諗整定唔整, 冇可選擇之下, 唯有死死地氣打開 Yellow Page, 居然搵到 2 間係專整 gear box 的車房, 問過大約價位, 上過網 check forum 睇下間野可唔可靠, 就決定整左佢 …
自星期一叫人拖左架車去整, 呢幾日我都係行路番工, 一程大約要 30 mins, 幸好呢幾日陽光普照, 天氣暖和, 到今日放工, 終於可以羅番架車啦, 心情真係放鬆晒, 埋單 760 pounds (約 HK$ 12,000), 原來係配件用到蝕晒, 換左就可以啦, 跟本唔係好似另一間話要成個 gear box 換, 仲要收我 1800 pounds !
今日去取車時, 係我咁耐以黎第一次係 Birmingham 坐巴士, 一程唔夠 20 mins 的車程竟然要 1.50 pounds. 自從有車以後, 行路同坐巴士好似已經離我好遠, 有時都覺自己太過依賴架車, 不過係呢度冇車又真係好唔方便, 我工作同生活上都極度要用到車架 !! 跟據天氣報告, 聽日又會開始落雨喇, 架車真係番得及時, 雖然我條命係"黑開有條路"的格, 但總算尚餘幾分底, 次次都唔會撻到谷低的………….
呢個星期 BBC 講得最長篇幅的, 應該係四川大地震的報導, 聽到呢段新聞都真係幾唔開心, 四川係我最為喜愛的中國旅遊地點, 先後都去過 2 次, 還記得當黃龍機場尚未開幕, 只可以坐長程車由成都入九寨溝, 沿途所見到的簡陋小村, 所經過的驚險山路, 可以想像到當一些比我所見還要偏遠落後的城鎮遇上今次的災難, 真係非常有毀滅性, 亦怪不得咁難於救援, 有 D 現場報導真係令我都唔忍心再睇落去 …..
今年才到 5 月, 已經先後出現一個風災, 一個大地震, 救災工作尚未完成, 更唔好話之後長遠的災後重建計劃, 比起當地人所經歷的, 我地而家所面對的小問題, 又算得係 D 咩丫 ~