第三日的旅程又開始喇, 呢日我地主力係開車到差不多係 Croatia 南端盡頭的 Dubrovnik. Croatia 的旅遊業雖然發展得唔錯, 但佢的交通配套尚在發展中, 由大至小的馬路都只係1線行車, 所以當有大車 or 慢車就好容易塞車, 而可能因為咁, 呢度出產的 crazy driver 係非常多而且恐怖, 佢地係唔理直路定急彎, 唔理睇唔睇得清對頭車都會照 cut 車的, 而且當佢地 cut 唔到就會照迫番埋黎, 預左你要讓佢入番咁架喎. 我地都眼見多單差少少就迎頭相撞的情景, 真係睇到 O 晒咀架 ~
而 Croatia 由南到北只有一條收費 Highway, 而呢條 Highway 仲有部份係興建中, 所以單路相線 & 單管相線行車係非常常見, 開車時要留意路牌啦, 呢度的路牌畫得好白, 你就算唔睇識睇佢的文字, 睇佢 d 公仔都應該會明的 ~
我地由 Sibenik 出發, 上 Highway 前先經入閘機羅咭, 就可以衝上去飛馳啦, 到出 Highway 時先憑 card 俾錢, 行左幾遠就收幾錢, 幾好架! 唔知係咪要收錢關係, 呢條路好少車, 非常好 Drive 架 ~
走左大約個多小時的 Highway 之後, 就要落番去行小路, 不過呢段路係海邊路架, 非常非常靚的 coastline, 沿途有好多大小 town, 橙色屋頂, 白色牆身, 配上藍天白雲同深藍海灣作 background, 係睇見到開心死呀 ~ 而我地開左咁耐車, 係時候抖一抖, 就決定去呢個大 Town – Makarska 度飲杯野啦 ~
Makarska 又係一個海邊大 Town, 睇黎都係一個旅遊地點, 好多 Hotel 同好多 Cafe, 有一個大港灣供大小船隻停泊 (仲有好多漁船添呀, 有鮮魚即賣, 係咪有點西貢 feel 呢?! ), 雖然個 Town 係幾商業化, 偏偏有齊我所喜愛的原素, 特別係佢背靠的一條壯濶的山脈, 真真正正的背山面海, 真係有幾分型架 ~
係呢個 Town 隨意逛逛海邊, 飲左杯怪怪的咖啡, (如前文所說, 成個 Croatia 的咖啡都怪怪的, 唔知係咪咖啡豆的問題, 但係呢d 小town, 我又搵唔到世界性意大利品牌 illy 的蹤影喎 ~), 到 Supermarket 買定小食同飲品, 最後偶遇到古董開蓬甲蟲, 實在忍唔住要為佢拍張相呀 !
