吃過豐富美味的海鮮餐, 我地懷住愉快的心情, 繼續餘下不多的車程. 到入 Dubrovnik 的吊橋前, 可以先係 view pt 停低影番張海港相, 由呢邊望只見到新城區咋, 舊城區卻係另一邊, 要影全景就要去另一邊個 view pt 啦 ~
Dubronvik 其實係一個幾大的城, 可能呢度的旅遊業太過發達, 除左古城區之外, 周邊好多的地方都已經發展成住宅區, 唔係民居就係酒店同 apartments. 剛剛到達的我地, 衰在冇 print 定 map 亦都冇租衛星導航, 呢區的酒店路標係十分唔清楚的, 除左我地入城o個一刻見過一次酒店名之外, 多個路口都唔見任何指示, 直到我地兜兜轉轉個多小時之後, 先係比較近酒店的 area 先再見到指示, 太慣去埋 d 小 town 住宿, 唔記得左入大城要 mark map, 下次真係唔可以咁大安旨意囉.
今次住的呢間酒店, 係本旅程至豪之選, 大約 70 pounds 一晚, 但對我黎講都算抵架, 因為係英國求其搵間平凡的BnB 住都要 50 – 60 pounds 一晚, 呢間酒店位處 resort 區, 相對係比較偏僻 (但都有巴士來往舊城區), 但就因為遠離市區而比較清靜, 擁有私人石灘及開揚海景, 可惜呢個時份尚未到旺季, 好多設施尚在準備中, 連個石灘都仲整緊…. (見到相中部掘土機嘛 ?!)
講到酒店房呢, 床舖乾淨整齊仲非常舒服, 另有一個小偏廳, 打開落地玻璃窗, 出面係一個長型露台, 直接可望見一片海景. 我今次真係當自己渡假, 好多時係酒店 hea 下, 仲去左泳池游左轉水添呀. 另外要提的係呢間酒店的早餐非常豐富又好味, 朝朝早都係食到飽飽先出動架….
Highly recommended 呢間酒店 – Dubrovnik President Hotel http://www.valamar.com/croatia/dubrovnik/hotel/president
係酒店 settled down 好, 我地打算天黑前入古城走走, 其實之前搵酒店之時已經駛過 2 次, 而以下呢張全景相亦係當時拍下的, 可惜正值西斜兼霞氣, 所以相中的 Dubronvik 確實有點朦朧 ….
古城附近雖然有好多 carpark, 但除左旅客, 本地居民都係泊呢 d 位的, 所以 daytime 要搵 carpark 都幾麻煩架, 不過 evening 時份又唔同啦, 遊客散晒, 話咁快俾我地搵到個又平又近的車位啦 (5kn per hr) !! 以下幾張相都只係影下城牆同城北入口部份, 由呢個入口進城, 就可以見到狹長的街道及梯級, 仲有保留/ 修復得不錯的房屋, 可能比較多旅客由呢邊進入, 好多食店都聚集於呢幾條街上, 雖然時不時有人會走近招生意, 但未算太過份地煩你, 只要講聲唔洗啦, 佢地多數就唔會再纏住你架啦 ~
呢個古城確實太靚啦, 即使唔少地方尚有點破落, 卻顯得更為自然, 相比起中國唔少所謂的古城, 我還是喜愛真實一點的. 我地o係古城真係影左唔少相, 有黃昏的, 夜景的, 城牆上, 陽光下以及大雨中, 在短短的 2 日中都給我們遇上了, 所以之後幾篇都會分享下 Dubronvik 的景色, 順便提及少少佢的歷史吧 ~
