從小很喜愛吃燒賣, 由酒樓傳統的, 到街頭的魚肉燒賣, 再到超市的叮叮版, 我都鍾意食. 黎到 UK 之後, 去飲茶時未必會叫, 因為唔係間間整得好食, UK 的豬肉味可以好重, 有時整出黎的燒賣可以好膻. 既然係咁, 不如自己係屋企整, 咁咪唔怕人地用左唔鮮豬肉囉 ~
我用左 500g 雪藏蝦, 500g mince meat (蝦同豬肉的比例係 1:1), 燒賣黃皮 (但我只買到雲吞皮咋 ~), 同 1 條紅蘿蔔.
先將蝦打成蝦膠, 混入mince meat, 再用麻油, 糖, 鹽, 生粉, 雞粉調味, 最後包入黃皮之內, 面頭我用一粒蝦肉同少少紅蘿蔔碎作點綴.
呢個份量, 我一口氣整左 42 粒, 嘩 ! 裝左幾個外賣盒, 又可以廣發朋友, 你地有冇人要番份外賣呀 ?!
將燒賣放入煲內蒸 10 – 15 mins, d 皮比較大塊, 搞到我的燒賣幾大粒下, 所以要蒸耐少少囉 ~ 味道上我覺唔錯架. 係塊皮比較唔似囉, 但大大粒夠足料呀 !
