星期一, 一大清早又跑了去 Interview, 已經係第三個了 ! 同事們都驚訝我的見工命中率, 畢竟可以入到圍去 In, 都已經算成功一半, 可見我的 CV 寫得唔錯. 不過到了今日, 尚未聽到任何 feedback, 咁即係話都係唔得的多啦 …. 
2 星期後又有一個 Interview, 唯有再接再厲啦 
~
星期二, 最唔想上班的一日, 因為我總要特早起身, 避開 City 塞車, 趕到遠 centre, 與一個非常討厭且令我非常不耐煩的假面人共事, 本星期呢一日又俾佢留難, 明明佢可以獨自完成的工作, 結果強要我白等1 小時, 遲放半小時工去協助完成, 最後發現係白做 !! 嬲得我半死 ~
星期三, 無無聊聊又一日, 回想起剛開始做呢份工之時, 真係好俾心機做. 到了今日, 已經對呢個 Dept 失晒望, 一個由 3 人增至 8 人的 dept 本應充滿希望, 但今年一個一個新 staff 咁離開, 未離開的都非常積極地於上班時搵工, 所有發生的 office politics, 全因原本的 3 人班底跟本接受不了外來衝擊, 怕是困於一個小小的 Dept 太久, 眼光變得非常淺窄, 當連大阿頭 Dept Manager 同樣如此兼護短時, 我想我們是時候走了 !!
是日星期四, 一朝早見到令我開開心心的 line man, 同時又見到令我討厭的假面人, 明明知道 meeting 提前了, 衝進來時卻扮作全不知情, 真想當場撕開佢的假面具.上班期間, 被同事們再三催促我打去 interview 的醫院詢問結果, 但我還是行不出這一步, 雖然預料到結果, 卻不想自己親自去揭開真相, 還是等一下消息吧.
好不容易捱到下班, 原本約好舊同事們一齊去看電影, 食晚飯, 最終卻基於不同理由爽約了, 只淨下我跟另一同事及她妹妹一同去看 Sex n the city. 我從來冇死跟這套電視劇, 不過間中都有收看 (係英國不看 US Drama, 就没什麼 TV 節目好看了), 轉成電影版也十分不錯, 輕輕鬆鬆的 2 個多小時, 帶來目不暇給的時裝 Show 及 4 個女人的不同人生觀.