(今日四葉日曆非常反映到我今日的心情)
本星期, 放完假的大老細回歸, Office 氣氛再度極速僵化, 一切事情又再趨向惡化 
.
先係星期一, 係人手嚴重短缺下, 其中一個同事壓力過大, 睇左醫生得到病假 1 星期, 我又再度陷入頂替再頂替之中, 做了連續 2 日 full day clinic, 真係人都傻啦 …. 明知怪不得她, 但都不禁有些少怨言.
星期四, 剛過了生日的 line man 又被大老細激到心情十分差, 而個假面人繼續搞麻煩, 氣得我地 2 個係 meeting 真想出手
… 唉… 世界真係唔公平架, 衰人反而得到幫助, 做得野的咪繼續做到嘔囉 ~
星期五, 這日精彩了 !! 隔離 team 的唯一個員工 – 只低於大老細一級的 team 阿頭, 係見完 "職業安全組" 人員, 評估後得到正式批文, 基於現在情況對佢健康造成巨大影響, 只要佢呢 team 一日請唔番齊人, 佢可以無限期停工 (記住係有薪架 !), 嘩 ! 可以講句, 呢 team 應該正式玩完啦, 大老細呢次大鑊啦, 真係唔知會點數科架….. 而我呢個小小低層職員, 位置亦危危乎, 分分鐘會被點去做埋佢地o個份 !!!
都係呢句, 此地不宜久留, 留多陣都怕我係下一個受害者呀 ! 下星期一次過有 2 個 interview, 今次我實要得架啦 !!! 我就唔信上次衰左都叫做得第二, 今次份工點都係我架啦 !!!!!!!!!!
=============================================================
話雖今個星期唔係太好過, 但至少星期三晚約了班舊同事到 City Centre 的一間印度餐廳食 Dinner. 地方裝修好古典, 價錢以 City Centre 來說可以話平, 食物亦算不俗, 仲有叫來一塊超級巨型 Naan 作 side dish (真係好巨型架, 鬼咁大塊, 我地 4 個人都食唔完 !), 但一切都不及見番舊同事, 一齊食飯, 一齊傾計, 一齊開玩笑, 一齊講假面人同大老細壞話, 即使呢幾日幾唔開心, 但呢一晚都算發洩左出黎啦 !!!
