星期日, Birmingham 的天氣持續灰暗, 唔怕死的我地卻堅持出去郊外, 今次係打算去南面的 Lavender Farm, 大約一個小時車程, 全程無需經 Motoraway, 只走 A 路, 主要都係 country road, 非常好 Drive !
剛剛駛離 Birmingham 範圍, 天色出奇地轉好, 依著 Tom Tom 的指示駛到山頭之中, 先經過 Broadway Tower, 未入閘口已經遠遠看到呢個外型幾特別的 Tower, 位於山頭之上, 可以俯瞰山下整個平原, 好值得泊低車, 入去走一轉, 如果只係入草地範圍係唔洗俾入場費, 只係入 Tower 先要買票 ! Tower 隔離仲有個 Farm, 我地見到有一隻鹿係草地上悠閒地食草, 懶理我地的打擾 ….
下一站係今日重點 – Snowshill Lavender Farm, 我想呢個 Farm 已經霸佔了這一片山頭, 放眼望去係一片又一片花田, 雖然佢只係開放其中一片花田俾遊人參觀, 但已經夠我地係裡邊 hae 個幾鐘, 入場費 2.50 pounds, 任你玩任你影任你行, Lavender 有幾個品種, 顏色深淺同香味濃度都不同, 尚有 3 星期就到佢的收割期, 要去就要盡快啦, 如果有時間, 我都打算搵日陽光好時去多次架 !
呢度有個小型 Gift Shop, 專賣自家品牌產品, 但 overall 我覺價錢偏貴 ! 睇中左一包 Lavender Grains, 100g 賣 3.95 pounds, 想買都係因為佢可以用黎焗旦糕 or muffins 咋 !
回程途中, 感覺到肚餓想食番個午餐, 開車到最近一個 Town 叫 Broadway, 結果有一個驚喜發現 ! 呢個 Town 的石屋好靚好有特色, 每一間都保養得好乾淨整齊, 街上有不少遊人在閒逛, 我地忍唔住要泊好車, 先好好地係 Town 行下, 跟住再找間 Tea House 食 Lunch !
Town 上搵到 3 大賣點 :
1. 有間 Christmas Store, 全年都賣 Christmas 裝飾, 好靚好精的小店, 絕對值得一看.
2. 糖果店, 依照傳統方法, 將所有糖果分類放入玻璃瓶內, 再置於店架上, 由櫥窗望見一排一排的玻璃瓶, 感覺好好壯觀呀, 怪不得這麼多顧客幫襯 !
3. 街頭有一輛古式雪糕車, 連賣雪糕的都穿著制服, 好專業喎 !
最後圍著 Town 的大街走了一圈, 隨便走入一間古式 Tea House, 點了杯好有層次感的 Mocha 及一份 Toasted S/W, 吃個滿足才慢慢開車回 Birmingham, 順便送朋友到火車站, 結束了一個充實的 weekend !
