上星期忙完私事, 本星期卻忙公事, 連 Line Man 都睇得出我好攰, 叫我要好好休息 !
本星期有新人報到, 咪以為我可以鬆一口氣, 由於隔望 team 的唯一兩個員工, 分別以工作壓力過大為理由, 被批了一齊放 4 個星期有薪假期, 結果呢期新人到場, 大老細又懶理冇交帶, 結果由我呢個本 Dept 地位最低的員工, 去帶一個比我還高 grade 的人, 唉 …. 咪即係間接要我做埋佢份 !! 我真係越黎越覺自己蝕俾佢地架啦, 要揹的野越黎越多, 加上假面人又放 3 星期 A/L, 真係想做死我咩 ….
另外今日收到電話, 上星期 Interview 的其中一份工, 正式宣告失敗, 今次我係真係有點失望架, 因為我已經到左個階段, 好想好想轉工啦 !! 佢話唔係我唔好, 只係唔夠好囉, 50 個人之中, 我表現得唔錯, 而佢地都好鍾意我, 只係又係衰 clinical experience 唔夠, 尤其係 hospital experience, 佢話如果我申請 Community 機會就大好多, 因為我 present 出黎的 CV 同 experience 係好吸引架喎 … 唉 ~ 我夠知啦, 如果我肯做番 Community, 我信我已經搵到工架啦 !! 我開始猶豫, 我應該繼續堅持去醫院丫, 定要 be more flexible 呢 !?
本星期天氣持續不穏定, 而我的心情亦同樣 …..