我所寫的 Croatia 之旅就已經完成啦, 但係四葉妹妹話又要我講下佢喎, 咁我唯有放下佢的相上黎啦 !!
到達 Croatia 的第二天, 四葉妹妹佢一朝早就騎住牛牛四處跑, 我知我地係去左海邊, 但你都唔洗咁興奮架喎 !! 我地仲要落樓食早餐呀, 快 d 準備好啦 !
四葉妹妹話要一杯橙汁, 仲選了一個超級巨型而又好鬆軟的牛角飽喎 !
入到 Krka National Park, 精力充沛的四葉妹妹跑來跑去, 呢一刻係欄杆上 … 
下一刻坐係瀑布前 …
轉個頭, 佢又爬左上去 Travertine 喎 …
跟住佢突然又由草叢彈出黎 …
最後仲狠狠地咬了一口芝士火腿配麵包, 嘩 ! 開心到佢丫 !
到了 Dubrovnik, 四葉妹妹一入到房, 佢第一件事就彈上床, 大字型訓係度 ~
佢仲跑到 Hotel 露台上, 亂咁摘人地 d 花 ~
City wall walk- 四葉妹妹又要影一埋份 !! 
好鍾意呢張, 四葉妹妹似唔似旅遊大使呀 ?!
旅行指定動作, 景點前企定定影張相 ! 
行完 City wall walk, 我地又一齊去食個午餐, 四葉妹妹好喜愛坐係窗邊, 望住外邊小巷中的遊人. 但咪以為佢會安安定定坐好, 結果佢咪又係呢整下, o個度搞下 ….
