本星期繼續低迷, 唔係單止工作上, 連我的健康都發出警報啦 …
工作上, 繼續忙碌, 繼續見工, 繼續迷失….
尋日見工時仲要有幾分俾人"歧視", 車… 我份 CV 寫明我係 Chinese 黎架, 一係你就咪鬼叫我去見工啦, 我來來回回都要成 6 hrs 車程架 ! 真係估唔到黎左英國咁耐, 都仲會遇到咁的 …..
算啦, 聽日又有一份北上的, 見完仲可以順手約朋友食個飯, 放鬆下…
健康上, 星期五出現多粒紅點, 遍佈全身, 唔痛但好痕, 好在冇發燒, 估計唔係 chix pox 而只係敏感, 星期一係群眾壓力下, 跑到藥房買左藥同藥膏, 到今日先有消退跡象 …
到星期一/二, 發現腳面對上一隻手位的小腿, 腫左一個雞旦, 怕且又係唔知撞左去邊, 但奇怪係又冇瘀痕, 仲越捽越腫, 咁尋日咪打算用熱敷, 開左個日本暖旦芯, 求其用毛巾包好, 紮好係雞旦上. 點知訓著左, 又唔知點樣搞下搞下, 搞到旦芯直接 contact 到皮膚, 係訓到半夢半醒之際, 覺得好熱先掉走佢, 今朝起身就精采囉, 有一個手指頭咁大的水泡 + 一塊紅印, 即係燒傷左啦, 仲要係正行路會郁到的位, 真係自作孽囉 ~
本星期可以話開心少少的事, 係我今日放工, 跑到 line man 家睇下佢隻 rabbits. 佢係男仔黎架, 叫 Basil ! Hyperactive 的 rabit, 不停地跑黎跑去, 跳黎跳去, 仲要乜都咬一餐, 佢連我隻鞋都唔放過…..
佢 d 毛好 soft, 成隻毛公仔咁, 不過佢暫時有皮膚發炎, 白白俾人剃左 2 小圈毛 ….
