下了一整晚大雨, 到了 Day 4 的清早, 依舊一片灰濛濛, 呢日我地打算再次到 Mt Cook Village, 走完尚未走的路 
.
未轉入岔路前, 先到公路旁的 View Pt, 天清氣朗之時, (例如前一日), 應該可以清晰見到奶藍色的湖後, 係一排壯麗的雪山, 但呢日的天氣, 只係見到灰灰的天, 幸好湖水依舊藍, 否則連天與水都應該分唔清架啦 ~ (經過一晚的大雨, 下水道的水比昨日所見更加凶湧啦 ~)
駕著車到 Mt Cook Village, 厚厚的雲層早將雪山的山峰掩蓋, 山中時不時飄過一絲絲薄霧, 呢一早我地的第一個 walk 係 Red Tarns Track !!
未出發, 先下雨, 慢慢仲要由毛毛雨邊成大雨, 有件 Gore Tax 外套都唔掂, 下半身一樣濕透 ! 越往山上走, 雨好像有點轉弱, 轉成濃霧, 山下小村走著走著就消失於山下, 眼前變成一片灰白, 最後走到山谷中的小湖, 踏著 Teve 的我, 見自己濕成咁, 唔差在踩埋入湖水中, 嘩 ….. 凍到腳指都僵埋 ~
回程到山腳的 Mt Cook Village, 有如落湯雞般的我們, 又凍又餓, 急不及待跑到村中的 Cafe, 一來借 Toilet 弄乾一下身體, 再 order 熱飲小食醫肚 !! 原來除了我地, 仲有咁多人同我地一樣雨中 Tracking 後跑到餐廳來, 屋中壁爐生著柴火, 未走近都感覺到溫暖, 怪不得所有人寧願擠在一起, 都不移步到餐廳外圍的餐桌前用餐 …
對於飢寒交迫的我地, 簡簡單單的 Potato Wedges 同 Garlic Bread 都變得非常美味 (真係幾好食架, 唔係只因為餓架 !!), Portion size 亦好足夠我地三人享用 !! 安坐暖笠笠的餐廳中, 透過落地玻璃窗看著外邊的風雨, 跟朋友們邊喝著熱辣辣的咖啡 / 熱朱古力, 邊分享一下各地見聞, 哈 ! 咁樣的一個中午小休, 真係相當不錯 !!!
