今日受到印度朋友的邀請, 參加於她家舉行的一個頗有宗教色彩的活動, 對我黎講, 最大賣點係有大食會 !!
非常好客的佢 & 佢屋企人, 時不時都留我係她家食飯, 我總係對佢的媽媽 (以及大部份印度人) 用香料用到出神入化的技巧非常仰慕, 總想去偷學番一招半式, 由整唔同口味的 Chapati (有原味, 蔬菜味, or 甜甜如有蓮蓉般的我都食過, 好正 !!), 到一煲煲紅紅黃黃的香辣蔬菜 (主要係素食), 即使每次都辣得我要不停喝水 (佢地成日笑我, 又怕辣又要食), 但都非常滋味 !
呢個月係印度人的 Holy Month, 佢地呢一個月都要齋戒, 所守的規矩唔同地區唔同家庭都有點分別, 詳情我都唔係太清楚, 所以就唔多講啦. 不過今日算係慶祝活動, 佢地邀請所有親戚, 朋友, 鄰居們相聚一起, 聽說中午已經有活動, 再到黃昏時有大食會, 大家一齊坐低一邊食野一邊傾下計, 非常熱鬧, 我都分了一盤食物, 嘩 !! 今次有新品種啦, 又可以試到新食品, 好唔好食就好見仁見智, 但我就好欣賞呢 d family gethering !!
食過晚餐, 朋友邀請了一班教會人仕到場唱歌, 佢地唔係咩基督教 or 天主教, 佢地信奉的係 Hinduism, 一個於印度擁有長久歷史的宗教, 先唔好理任何宗教衝突的問題, 只係本著佢所擁有的文化及歷史, 足以應該得到所有人的尊重 !!
成個活動大約 1 小時, 主要係唱下歌, 用欖型中鼓, 木盒型風琴, 叮叮, 同搖鼓奏出輕快的音樂, 配上簡單的印度文歌詞, 通常由領歌人唱一次, 所有人跟著重覆唱一次, 由慢到快咁重覆地呢個 cycle, 中間歌詞有冇轉換, 請恕我聽唔出來啦 !
於期間又講下道, 講下宗教小故事, 一切對我黎講都非常新鮮, 算幾有趣架 ! 如此有歷史的宗教, 還是敵不過社會的改變, 年輕一代的信奉者越黎越少, 想來朋友之所以於家中舉行此活動, 也是想借此令親戚朋友們的小孩多加接觸自己的宗教吧 ~
P.S. 十分欣賞朋友的裝束, 非常有特色, 而且好好睇, Ha ! 係咪應該叫佢帶我去買一套呢 ?!
