四葉 !! 你仲掛住玩, 仲唔去執行李 !! 下星期五出發啦 ~
自從 2006 年由澳洲移居回港, 再重回英國, 我就再沒有潛水了, 距上一次下水, 足足 3 年之久 ~
舊年已心思思想重拾呢項運動, 苦於現居之國天寒地凍, 雨天多晴天少, 還要住到 Midland (即是到海邊都要 2 – 3 小時的內陸地區 !), 是以一直没下定決心 !
今年, 終於想到去附近的國家潛水, 身處歐洲, 最出名潛水之處就是 Egypt 的紅海, 出名又抵玩又靚, 1 week Liveabroad 包機票+ 食 + 住 + 潛, 都只係 700 pounds – 900 pounds 左右. 我都本來都預計 9 月中 off peak 時候去的, 怎料我最想潛的 Marine Park 的入場要求是 50 dive logs.
由 2003 年考牌直至現在, 四處游走的我没有固定 dive buddy, 因此亦没有太熱衷地狂去潛水 Trip, 差不多 5 年了, 才潛了 32 個 dives, 既然不合乎最低要求, 今年唯有先放棄這個地點, 待我填夠 50 個, 下年才去吧 …
不要以為我就此放棄, 四處看看旅遊網, 卻發現了一個歐洲頗為熱門的潛水勝地 – Malta (馬爾他).這個小小的歐洲國家, 由三個小島組成, 位於地中海中央, 最近的國家為意大利. 如果要我形容佢的位置, 就係 – 意大利隻靴的鞋尖, 踢住西西里島呢個足球, 而個足球正南面的一點沙粒, 就係 Malta 啦 ~
Malta 之所以出名潛水, 係因為氣候溫和 (May – Oct), 溫水期較歐洲其他國家長, 水清而平靜, 海洋產物豐富, 圍繞著 3 個小島, 有多種唔同 dive sites 可以選擇, 有淺有深, 到 40 m 的 shipwreck dive 都有, 唯有一樣野要比較留意, 6 – 9 月會有較多 jellyfish 出現, 除此以外, 基本上冇乜太大危險 !
為了這個 dive trip, 我都讀左幾本同事幫我借來的 guide books, 我亦上網做了一下資料搜集. 最後一切總算準備好了 ….
機票 – 8 月時剛好訂到 Air Malta 的平價機票, 來回機票不用 100 pounds !
Travel Insurance – 時常出門, 乾脆買了一年的保險, 包埋潛水的 (今年不打算滑雪, 就唔買 extra cover啦 !). 可惜非常失策地忘了先到 cashback site 登記, 無端端蝕了 10 pounds !
酒店 – 選了一間平價的海邊 self catering apartment, 看了不少 review 都話 ok, 直接跟酒店訂才 35 eur per nite ! 不錯 …
潛水 – Book 好了 4 日 12 dives + equipment 的 3 Islands Diving Tour, 期待期待 ~
唯獨換錢還在苦惱中, 近來 pounds 弱勢, 對 eur 跌破歷史價位, 確實有點買不下手 ….
P.S. 今次重回水底, 還會帶年頭買下的傻瓜機潛水殼, 希望成功影到第一輯水底相片 ~