得到一位長者的指點, 終於係英國搵到最適合用來整叉燒的豬肉部位 – shoulder, 呢個位置的豬肉 supermarket 都賣得幾平架, 食落口肉質一流, 比豬扒還要好食, 只係奇怪唔係間間 supermarket 都有得賣囉 ?!
我先用醃料醃左 2 日 (冇錯係 2 日呀! 尋日都冇係屋企食飯), 所以叉燒醃得非常入味呀. 醃料用了叉燒醬, 豉油, 麻油, 紹興酒, 糖, 份量就自己試味啦 ..
先預熱焗爐, 唔好用太高溫度, 我用了 200 度, 連肉連汁一齊焗 20 mins.
由焗爐中取出叉燒, 將醬汁隔出剩好, 置於一旁備用. 將麥芽糖塗上叉燒的一面, 放回焗爐焗 5 – 10 mins, then 再取出叉燒, 用麥芽糖塗到另一邊, 再焗 5 – 10. 如果想要焗燶一點, 可以放久一點, 但我就唔鍾意食燶野啦 ~
叉燒醬汁可以食時淋上, 但我覺得本身已經好夠未, 用唔著喎, 咁剩餘的醬汁可以點用呢 !?
====================================================
整到叉燒, 就可以煮到我最愛的叉燒炒旦, 可惜冇韮王啦, 唔係仲好食呀 ~
將叉燒, 叉燒汁, 蔥加入打好的旦漿, 炒一炒就得, 簡單又好味 !
