來到 Malta Part 2, 四葉妹妹跟著 Comino Boat Cruise, 來到一處非常美麗的地方 – Blue Lagoon. 咁的天氣, 咁的風景下, 四葉變得非常興奮, 一口氣衝到島上, 仲要我幫佢不停影相呀 !! 不過四葉似乎唔識游水架喎, 點都唔肯落水影相, 最後連龜龜都唔理佢, 自己去游餐飽啦 ?!
我地除左 Blue Lagoon, 仲去埋 Crystal Lagoon 架 …
回到岸上, 我跟四葉一齊到碼頭旁的餐廳食 tea, 等待食物之時, 四葉硬係話要爬上欄杆望海喎 …
搞左一大輪先令四葉冇咁 hyperactive, 咁先可以安安樂樂地同佢一齊到 Ghajn Tuffieha Bay 欣賞日落景色咋 ~
第二日, 係自駕遊 Malta 的本島南部. 行程起點, 先去 Mdina 古城, 醒目的四葉自己穿插於小巷中都冇蕩失路, 仲順利地搵到位於古城中心的大教堂添, 當然要影番張相留念啦 !
行程緊密的一天, 遊完古城, 四葉到了海邊小鎮 Wied iz Zurrieq, 先同我 share 了一個遲來的午餐, 之後才到 Hagar Qim & Mnajdra Temples 參觀. 不過四葉對亂石堆的興趣不大, 反而喜愛山崖邊的風景及生長在石地上的花花草草喎 !
黃昏時份, 我地才悠悠閒閒地開車到最後一個景點 – Marsaxlokk, 黃昏下的漁港真係好靚架, 加上是 Malta 旅程的最後一天, 連四葉妹妹都唔捨得 ! 呢度仲有四葉妹妹非常喜愛的 Maltese Boat, 其七彩的顏色, 完全吸引住四葉的注意力 ….
