尋日是我相識 17 年之好友的大日子, 真係恭喜晒呀鴨鴨, 當然仲有阿新郎家浩啦 !!!
好朋友出嫁, 我當然非常戥你開心啦 !!
不過仲有另一樣野都好開心的. 除了我由英國回來參與外, 還有一批朋友紛紛從外國回歸, 連同本地幫, 組成強勁的 9 人姊妹團 !! 嘩, 好耐冇試過咁多舊朋友聚埋一齊, 共同準備及參與一件事情, 感覺好似回到學生時代咁呀 ! 最重要個個都係玩得之人, 可以同埋我一齊癲下, 鴨鴨, 你又 en 唔 enjoy 呢 ? 
鴨鴨, 雖然我好遲先番到 HK (只得一星期幫忙), 不過我地幾個"外國人"都叫幫到下你手啦 ! 呢幾日係好忙好攰, 但又真係玩得幾開心架, 日日都笑到肚痛呀 ! 由我地自己試裙 (的空虛 & 空洞), 到幫你試裙 (玩 Bu Ja !), 再上埋你家染黑你個額頭, 都真係好鬼我地的 style, Haha ….
尋日行程緊密, 不過總算一切順順利利, 連個天都俾面唔落雨呀, 你先可以影到咁多靚相 ! 雖然尋日的一切活動 (我係指儀式呀下) 未必係你最想要 or 最合你的, 但以我對你的了解, 你總係會有點求求其其, 如果唔係長輩們的安排及要求, 你就唔會有個咁好的 wedding, 所以即使事前有幾煩幾多野做, 尋日有幾趕幾頻撲, 相信你呢一刻都會覺得非常值得的, 亦應該有不少片段去回憶啦 ~
不過對於昨日我可一不可再的打扮, 請各位高抬貴手, 勿亂 post 相上Facebook 呀 !
我係度祝你地 2 位 : 婚後生活快樂 ! 連生好多鴨仔 !
你地的 BB 我預約左架啦, 有幾多契幾多 (似唔似掃貨呀 ?), 所以唔該盡快生多D 鴨仔啦, 我會帶埋佢地去周遊列國, 遊山玩水, 上山下海架啦 ! 就咁話啦 ~
P.S. 麻煩各位看到這篇網誌的朋友, 可唔可以留個言, 將祝福送給我這位好友及其老公呢 ?! 唔該晒 !