漂泊中的魚

難得番左 HK, 自己又去完沖繩喇, 咪扮下孝順女, 陪阿媽跟團番轉大陸啦 !! 本來打算去貴州的, 咁即使睇唔到油菜花田, 都可以見下黃果樹瀑布丫, 點知報唔成, 就隨意報了個貴團到桂林. 嘩 !! 今次真係出事囉…..

作為一個時常出走的漂流人, 已經幾年冇跟旅行團 (通常係番大陸), 真係非常不習慣跟團的, 我亦經己調節過心態及降低要求才出發, 但我還是非常看不過眼 !

我跟阿媽 join 了自稱最多人參加的旅行社, 團費 (包括出發前的雜費) 己經幾貴架啦, 要成 $ 2800 per person, 但這個所謂的四天豪華團, 由行程安排, 到住宿, 再到食, 都幾不知所謂, 總括來說係食水好深下, 等我介紹下這個行程… 

Day 1 : 黃昏機, 仲要 delay 左, 到達桂林時己是 21:00, 當晚於店的附屬餐廳食 "日本料理", 係呀, 係日本料理呀, 夠奇怪呢 ?!  食物未至於難食的, 但我寧願食團餐囉 ! 當晚酒店唔差, 似係 service apartment, 但你話佢有五星嘛, 我有保留….

Day 2 : 呢日勵害了, 原本分怖成 2 日的"應有"行程, 佢可以安排一日桂林內走完, 而且時間仲唔趕架喎 !!  咁點解要行晒原有行程呢, 因為佢要 free Day 3 來同我地 sell 自費景點, 一日行 3 個, 盛為 RMB 280. 呢日的重點係 Lunch, 佢硬要塞我地去佛堂食齋, 仲要幾難食下喎, 真係餓住出番黎架, 好在 dinner 的 2 大窩米粉還可以, 名為 "桂林米粉宴" !

Day 3 : 全日於陽朔的行程, 除了食飯及一個古榕公園外, 如上所提, 全部自費, 真唔知如果我地成團話唔去, 佢會點安排呢一日俾我地喎 ! 夜晚俾了 RMB 198 去睇張藝謀編的 <印象 – 劉三姐>, 唔係特別吸引, 以國內來說, 門票都幾貴下…. 是晚酒店, 又係扮四星的酒店, 但算啦…

Day 4 : 上晝趕了個半小時車回到桂林, 一連 2 個 Shopping 點 – 又絲調, 又保樹堂, 一個朝早就俾佢呃晒啦, 下晝求其帶我地去個穿山公園, 就要去機場了.

其實出得玩, 都唔係好介意用多點錢, 但都唔該包裝得好一點, 至黎問我地要錢嘛 !! 連個團本身都未做好, 仲黎向我地獅子開大口, 雖未至於即場開罵, 但團友們唔多唔少都有點怨言, 而家加加埋埋都成 $ 3800, 我真係寧願買個平 package, 自己帶阿媽去下東南亞算了 !

相信短期內, 我係唔會再跟團回國內架啦, 係都要自己安排去好了….