上文都講過, 我帶住四葉坐了 3.5 小時火車北上到 Newcastle 探朋友. 老實講, 這個位於大東北差唔多接近 Scotland 同 England 接壤邊界的城市, 咁多年來我都冇諗過要去 visit 下, 如果唔係剛巧有朋友住係度, 我諗唔到我行程表上幾時會出現這個城市的名字喎 ….
講景點, 咁大個城市又點會冇丫, 加上所處的特殊位置, 總會有番一些歷史古蹟的, 不過呢集我未想講景點住喎, 反而要講下我呢幾日的生活, 簡直同係 HK 過的冇乜分別呀 !!! 講的係廣東話, 食的係中國野 or 住家餸, 訓的係朋友的私人 B&B, 行仲有人車埋, 真係 ….
都好耐冇坐長程火車啦, Virgin 的火車係幾好坐, 而且火車好似準時左好多咁喎 !?
呢個就係 Newcastle 的火車站啦, 景點黎架, 只因座 Building 夠舊 !
這就是我訓了幾晚的床, 又大又舒服架 … 
嘩 ! 呢間 B&B 冇得頂呀, 睇下 (床邊) 幾專業丫 ~ Highly Recommend ! 
由 B&B 的露台望去, 附近都幾清靜, 呢個朋友真係識揀地方住喎 ! 
就係呢個廚房, 煮出了我(地)好幾餐架啦, 等我介紹下 …
某日午餐的簡單旦炒飯啦 ~
有一晚我地又邊用飯煲打邊爐, 邊係度睇 VCD, 仲要係港產片喎 !
又一晚想食西餐咩, 就有白汁海鮮意粉 及 焗蒜蓉磨菇 !
除左係 B&B Hea 之外, 導遊同司機都有開車, 帶我呢個遊客四處去下架 !!
其中一站, 我地去左 Chinatown 入面的麵包店 tea 呀 !
勁呀, 有奶茶配叉燒包 ! 係咪好港式呢 ~ 仲有旦撻同叉燒酥添架 !