繼早幾日弄出 2 大盤 Kimchi 後, 今朝想食煎餅, 就整了以下這個韓式旦餅.
材料 : 麵粉 4 湯匙, 糯米粉 2 湯匙 (人地說要用沾米粉, 但我冇係手, 就用了糯米粉), 水大約 150ml (這個粉量要自己試的), 雞旦一隻及糖少許.
餡料 : Kimchi (多少隨意) & 蔥
將麵粉好糯米粉篩好, 用水混成糊狀, 加入一隻打勻的雞旦 及 糖, mix well.
放入切好的蔥段及 kimchi, 如果所用的 kimchi 太大件, 便要切碎一點了.
p.s. 我所整的 Kimchi 是較咸的, 因為醃製前没有先過水洗去鹽份, 當小吃會過咸, 但用來煮食就剛好, 不用另外再加鹽. 如果用買回來的 Kimchi, 則要先試味再決定夠唔夠咸.
最後便落油起鑊, 以中火慢煎, 我所整的比較厚, 所以需時較久, 其實這個份量足以整 2 份薄餅.
成型啦, 熱辣辣, 外脆內軟呀 ~
除了整這個前餅外, 我還用來炒飯, 出來效果都不錯.
