之前見 Blog 友 KK 掉番轉次序黎寫遊記, 等我又學下先, 就由在 HK 最後那一天寫起吧. 至於外遊的相片尚在整理中, 遊記次序暫定先寫 HK, 之後補回 Scotland 餘下的幾天, 至於 日本四天吃喝玩樂遊 及 印尼潛水之旅 的次序, 我今次交俾各位去決定好了, 那個地方多人投票就會先寫啦, 好冇 ?
27/11/2010 離港前一天, 我在家中開了個生日打邊爐派對, 一次邀請了所有我認識 而又身在 HK 的親朋戚友們, 原來多達接近 20 人圍在一起打邊爐, 這個同開兩爐的情況, 真係可以好壯觀架, 多謝各位出席的好友們, 不過都要多謝不能出席仍送序我 birthday wishes 的朋友們.
我家是熱門打邊爐場地, 每次只要我在 HK, 就必會至少舉行一場打邊爐大會, 而我對預備材料是不會假手於人的, 通常都是我或跟我媽媽一起四處去街市買料的, 必定是以多元化及新鮮為重點, 尤其是海鮮類呀, 通常是即日才買的. 今次我則特地跑到九龍城街市那"有名"牛肉檔買了手切雪花肥牛片 及 牛柳粒, 又跑到大埔買各種丸類 (魚旦, 魚片頭要到大埔街市頂樓熟食層買, 其他的則到我一向吃慣的振興) 及 各式海鮮, 以往買到的食材份量, 往往會令朋友們在吃了上下兩場後, 還會剩下不少, 今次卻是預計得剛剛好呀 !!
至於生日蛋糕則由細佬負責, 本來是想玩點新意, 向三間不同的餅店訂三個不同的蛋糕, 但細佬嫌我麻煩, 直接一口氣從帝苑訂來兩個大蛋糕 : Baileys Cheesecake 及 Chocolate Truffle, 2 者皆鑊得大家的一致好評呀, 而我本身就較愛 Chocolate 那濃濃可可味, 反而 Cheesecake 的 cheese 被 Baileys 溝淡了, 略微不足.
在取蛋糕當日, 細佬順道買了包此店名物 – 蝴蝶酥, 在下午茶時吃了幾塊, 真的很鬆脆, 怪不得那麼受歡迎了, 這餅店出品真的不錯, 絕對會列入我的 list 內 !!
朋友們來我家玩, 最後必定是我的 Winnie the Pooh 們受到折磨, 看他們不久便被拐到大廳之中, 橫屍在地毯上. 而當時另一批朋友, 正在玩細佬剛添置的 Kinect, 個個玩得手舞足蹈, 哈哈大笑, Kinect 可要被 wii 還要多動作, 玩得一局已是上氣不接下氣了, 不過從旁看著在玩的人之形體動作, 真的會笑到痛肚架 !!
剛剛才發現你的 blog 搬家了!
你有這麼多篇 blog, 要搬家一定比搬真的家還要頭痛!! 哈哈~~
都唔係搬左好耐咋, 全靠我的經理人呀 !!
活力四射.效力超高的"鱼". 我一定加快步子看妳的博文. 可就算倒退三十年我也没有這個體力追呀. 老猪跑不了這麽快. 你的親友們也像妳一樣個個神采奕奕. 看來我今後也要常食"打邊爐"了.
哈哈, 你要努力了, 12 月我比較悠閒, 應該會更新得頗密的呀 !!
打邊爐太多唔好架, 小食多滋味呀..
149張照片，能看得出，長大了一歲的魚還是像住在Neverland 的一個永不長大的 Peter pan，追尋著一個 never-ending childhood adventuring， 無時無刻meeting friends from the outside world.
相信你與朋友們相聚的興奮心情，使你在夢裡還嚐着弟弟為你準備的美味蛋糕及媽媽和你一起精挑細選的 hot pot。
要我長大, 真的很難呀, 不過很認同, 我還是會不停地體驗不同的生活及地方, 繼續跟不同的人相處 !!
最開心的事, 莫過於跟朋友們吃吃喝喝, 說說笑笑, 不一定是生日架 !!
你o既Winnie the Pooh有冇跟你返英國? 有有有冇
我只帶走了一隻, 細佬送的大頭 winnie !
我當然係投潛水一票啦=DD
補祝您生日快樂呀 !!!!
多謝, 多謝 !
poohさん竟落得如此下場, 可憐…
明美投 ダイビング (diving) 1票 (・v・)/
呵呵, pooh 家下安坐家中休息緊, 唔好擔心.
So good! I love the cake and Winnie the Pooh
多謝, 再代阿 pooh 多謝你, 呵 !
你寫咩我都睇呀~
你屋企好大呀, 而個蛋糕睇到我流口水喇!!
蛋糕真係幾好味, 呢間帝苑值得幫襯呀 !
邊個蝦我地pooh pooh!! 等我幫你出氣
哈哈, 唔記得你都係阿 Pooh Fans, 見不得 pooh pooh 受罪添 ~
上一篇留了三次言，都話有error，所有字都沒有了，挫敗呀！
我都是喜歡你在 yahoo blog 多一點。
唔好意思, 這個問題之前没有發現, 我會跟經理人反映, 她會幫我出手處理的了, 請繼續支持呀, 因為這裡始終是我第一個真正的家呀 !!