漂泊中的魚

 

聖誕將至, 我們卻無減本地遊興致, 只要懂得避開人群便可.

這星期我帶著契女一家, 齊齊衝到機場去 ~~~

入機場, 全因約了外婆吃午飯, 就是之前介紹過的那家在 Golf Club 內的泰國餐廳 Erawan Thai .

大半年没去幫襯, 食物水準依然出色, 最緊要是地方寛敞而人流不多 !

是日一行十人, 點的一枱也是美食, 不過仍敵不過我們的胃口, 全清後要再來個甜品拼盤 !

 

這天的天氣有點古怪, 出門時明明大晴天來的, 還帶著暖意.

怎料入到機場立時煙霞密佈, 氣溫立時下降了幾度, 我們唯有躲在室內用餐. 

奇怪的是, 當我們離開了赤鱲角, 藍天便再次出現了, 究竟搞什麼鬼呢 ?!

既然有好天氣, 就順道將車停到青馬大橋觀景台, 反正我也没有到訪過.

 

青馬大橋於 1997 年建成, 我記得當年還特地坐船來看煙花的.

自此以後, 我就只會出國回港之時留意到它, 就連這個景觀台都没有機會踏足過, 這裡是意料之外的清靜, 仲幾好 view 添喎 ~ 

 

走到觀景台的最上層, 契女跑跑爬爬的, 玩得不奕樂乎 !

這裡除了青馬大橋外, 還可以欣賞到另一座汀九橋, 而且是日天氣, 拍出來的汀九橋要比青馬大橋美,

没有騙你的, 單看相片, 也見赤鱲角那邊真的是煙霧迷漫呀 ~~

朋友說下回可以日落時份來, 可以看到咸旦黃日落, 但前題是 … … 天要清, 天氣好 !

 

接著我們來到青衣城, 又一個我未到訪過的地方 !

來這裡就是要看兩隻衰野搞乜, 同樣肥o都o都 又賤賤格格的外國加菲貓同本地聾貓, 在這有一個小型 Crossover 展覽, 來個 Orange Christmas 喎 (不禁聯想起, 佢係咪某電訊公司贊助的呢 ?!).

 

大家只要到場時, 隨心意交上些捐款, 便可以入場參觀影相的了.

至於那個給小孩玩的吹氣彈彈床, 則要另外付款入場了.

 

這個展覽的多件模型都好搞鬼的, 很切合這兩位主角的性格 !

第三張相, 我不禁在問加菲貓, 你係度望乜呀, 聾貓一向都冇著褲架啦 !

 

 

另外最喜歡那隻聖誕鹿, 真想搬佢番屋企呀, 佢應該幾好坐 ~

衰衰格格, 雪人 VS 聖誕鹿 !

 

隻隻模型都搞鬼, 唔知展覽完佢地會去左邊呢 ?!

 

巨型聾菲內是一個展館, 可以睇到幾件特別版的模型.

契女超鍾意展館中間隻聾菲呀, 行開都要番轉頭, 摸住佢個肚腩 ~

晒燈中的加菲貓, 唔怪得溶晒啦 !

 

這裡是聾貓, 加菲貓 & Friends 食聖誕大餐的地方, 睇見都開心呀  ~

超多人入去影相, 要記得排隊呀 !

 

離開前要繞到後方的攤檔, 幫朋友買些東西. 其實這家專門店, The One 也有一家呀 ~

不過剛好見到有一套加菲貓用品, 想也不想便買下給一位好友, 希望佢自己未有啦.

近年不怎麼見 HK 有播加菲貓的卡通, 其實現今的小朋友們還認不認識加菲貓架 ?!

 

逛完展覽, 我們打算去吃下午茶.

不知何故, 只等了一張枱, 我們都足足等了半小時 ! 而且下單之時, 這個雪糕格格多士又要我們等半小時, 不禁以為自己來到法國呀 ?!

很古怪的 Pokka Cafe !