2015 年 : 已為新年作好準備, 祝大家羊年快樂 !

~ 魚 ~ 自家 生活 10 Comments

 

羊年就到, 咁就梗係要同大家拜番個早年 !

睇我幾有誠意, 舊年有馬仔, 今年我推埋契女隻羊出黎影相 !

祝大家羊年平安, 咩都好, 咩都順利, 仲遇上咩都咁開心 ~

大時大節, 四葉總要出下場, 呵呵 !

每年, 佢都總要摧殘一下我家的年花架 !

你地睇下佢 !!!

 

 

 

今年没有外出買花, 無論維園跟花墟都沒去到, 就近近地沙田花市好了.

不過, 呢個花市的乾貨真係唔太吸引, 不過反正賣的落力, 買的開心就好了 ~

 

花 – 才是是日目標 !

年花是我家每年都要買的賀年物品, 必定由爸爸親手去選, 今年也是我這個搬搬抬抬的跟他出們, 一出手就換來一大堆 !

今年年花可能買得早, 有點貴, 而且可能天氣有點暖, 很多花都開了, 再不早點賣怕會賣不去呢 ~

 

 

回港以後, 似乎每一年都會整自家制蘿蔔糕, 而且收的訂單一年比一年多 !

結果今年我決定, 開班等朋友們自己來煮好了 !

不過, 由於某些朋友還是想要我煮的, 就預先整好了 三小三大底用送人及自用啦 ~

講真, 我真係用得好足料架 !!

 

 

蘿蔔糕的口味真真人人不同, 我一向喜愛蘿蔔多粉少, 濕濕的有點難煎的那種, 所以喜愛吃蒸蘿蔔糕的朋友應該會較愛我的口味.

至於愛吃煎的 …  唔好意思, 那下年可能要為你地再開一次爐了 !

 

煮蘿蔔糕, 最要耐心的時候, 就是等待蒸糕之時啦 ~

一次都要大約 1 小時, 好在我有三層煲, 一次可以蒸 4 個 !

 

好野 ! 完成了 !

自家制再加了冬菇, 通常都放不久的, 所以朋友們, 大家要係新年內盡快吃掉呀 ~~

 

我家新朋友, 唔知邊度淘番黎的 Bear  … 超巨型的呀!

暫時, 佢係我家係最嘆的 !

, ,

10 thoughts on “2015 年 : 已為新年作好準備, 祝大家羊年快樂 !”

Leave a Reply