Day 3, 已經是我們旅程的最後一天 !
一朝早, 我們問明了民宿的 Karen 吃肉骨茶的好去處, 就打的去 Gurney 那個海濱區.
位於Persiaran Gurney 的那條大街, 原來有多過一間售賣肉朋茶的茶室, 包括網上較多人介紹的皇排 及 康乃馨肉骨茶, 還有我們憑人流而決定幫襯的松花江茶室.
確實這店的人氣很強, 竟然要等位的, 似乎很受本地人歡迎 !
這邊的肉骨茶是清湯式的, 一點也不黑, 藥材味也不重, 反而有點似食緊豬雜腐竹煲 !
相中炸物 – 蝦棗也不錯, 很不同的口感.
反而這個褔建炒不合格, 不好吃 !
吃過早餐, 我們在附近逛了逛, 其中有兩座佛寺, 緣自不同國家, 卻一左一右的相對著, 我說的是緬佛寺 及 泰佛寺 !
泰佛寺, 又名臥佛寺 (Wat Chaiya Mangalaram Thai Buddhist Temple), 內藏世界第三大的一座臥佛, 全長大約 33 米左右 !
不過即使未入內參觀, 我都被建築群的金光閃閃外表吸引著, 反正不用入場費, 又吃得有點飽, 那就齊齊入內參觀一下 ~
剛走進廟內, 就會見到那座巨型佛像, 正正橫臥在廟的中心, 我們繞著走上一圈, 看著那佛像的一雙腳板, 覺得佢真係一腳都可以啋扁我囉 !
講真, 係檳城真係唔知買咩做手信好, 最似樣都應該係買可以食得的 !
見過網上有人介紹呢間 “馨香” 的淡汶餅, 看樣子應該不錯, 就去這店買好了.
在店內試吃了淡汶餅, 是酥餅來的, 圆圆的一小個, 剛好一口可以吃下一個, 我覺得味道不錯, 有點似 HK 的雞仔餅, 結果買了一盒回公司 及 家中作手信, 吃時熱一下, 味道會更佳 !
馨香 Him Heang Website : http://www.himheang.com/
(這裡還是要坐的士去, 離 George Town 有點遠 ~)
回酒店小休一下, 我們再出動吃午飯.
今回想到要吃海南雞, 上網找了酒店附近的食店, 最近的一家都要走到 Lebuh Chulia !
還好, 在途中我們再多找到幾幅綱線壁畫 ~
這家 伍秀澤海南雞飯 於午飯時間果然人山人海, 茶室內是全滿的 !
剛好等到了一張 4 人枱, 我們點了半份切雞, 半份燒雞, 看上去頗吸引的, 不過吃下去卻没有覺得很特別.
冇所謂啦, 總算叫吃過了海南雞飯, 而且也吃飽了 ~
飯後生果, 只要走過兩條街就買到, 即買即吃, 又平又好吃, 抵呀 !
炎熱的中午, 又是坐巴士的好時機 !
跳上巴士, 我們打算前往 Penang Hill, 這麼一坐, 足足坐了一個多小時的巴士 ~
4 蚊港幣坐成個鐘, 都咪話唔抵, 不過今回如意算盤打不响, 唔知點解架巴士越坐越熱, 真係坐到出晒汗 !!
Penang Hill 可算是檳城必去景點之一, 坐纜車上山看看風景,倒是一個不錯的消暑方法.
買了那相對來說較貴的車票, 我們在等著纜車駛入站 !
這一程纜車之旅, 風景相當不錯, 而且都真係幾快幾斜, 快到 … … 有個團友好緊張, 卻有一名團友在扮好緊張, 嚇得我們身邊的其他乘客 … (我都唔好意思講了).
山頂上的觀光塔, 也是看好風景的地方 !
我們竟然在這個山頂的 food court hea 了很久很久 !
這裡實在很風涼水冷, 剛好將我們在 George Town 受埋受埋的悶熱, 全都在這裡吹散掉 ~
真係超級舒服, 我地直頭坐到唔想郁 !
既然已經上到山頂, 我地都去行下那範圍實在不怎麼大的公園 .
在這裡, 不要在期望, 大家會玩得更開心 !
呢部份, 突然很韓國, 突然很南山塔 !
又係亂咁俾人鎖野的地方 ?!
坐得一回, 自有第二回, 我們找到了一個好風景的涼亭, 坐到要咁先夠 hea ~~~
涼風陣陣, 我們差點睡著了 !
由於坐巴士受不了那熱度, 我們離開時決定坐的士, 原來坐的士回 George Town 都唔係咁貴架咋 ~~
Penang Hill 或者真係没有很多野睇, 但絕對值得去 hea 一下 !
不用特定行程,有時悠閒hea蕩更愜意^^
架巴士係壞咗冷氣?
我估係啦, 熱到呢 … !
山頂的公園 好似世界之窗咁…微形縮影景區？
山頂, 真係齋 hea 架咋 !