漂泊中的魚

 

這個 weekend 真係好多節目, 其中一個就真係非常放電, 就係由長春社舉辦的 2105 Eco Rangers  生態捍衞戰 !

這朝真的起得很早, 活動地點係香港仔郊野公園, 我地要一早起床出門, 才趕得切食早餐 及 準時到達會場登記.

噢 ! 忘了介紹, 這個活動玩的是野外定向, 對我們這 team 人來說, 是相對較新的玩意, 今回真真是初哥落場試玩啦 ~

 

到達會場之時尚早, 參加者們還未到齊, 不用排隊便可以順利登記.

領取了物資, 我們便坐到一旁.

是日天陰陰的, 坐著坐著真係有點寒, 不過這天氣卻正好適合行山, 正 !

 

 

簡單介紹下今次係點玩先 :

於 2 小時內, 參加者要根據大會提供的地圖, 以及地圖上右邊的 code, 去尋找散佈於香港仔郊野公園內的 20 個 check points, 找到那個 check points 的指定讀咭機, 再用相三中的指環打卡.

至於行程路線 及全程要去幾多個 check points, 都由參賽者自行決定, 目的很簡單, 要在 2 小時內獲得最高的分數, 而且盡量不要超時, 否則要扣分.

之前上了活動介紹, 大會提供了相二中的解碼圖, 當時我們一行三人即場 “當” 機, 嘩 … 點記得到呀 !

當時我地仲話番屋企要溫下書, 背下 code, 至於個結果相信大家都估到 … …

由於我地仲係初哥, 其實未有太了解細節, 大家有興趣的話, 還請去香港定向總會的網頁了解多點 : http://www.oahk.org.hk/

除左 check points 可以取分, 解答在途中遇到的問題 及 找出隱藏在郊區的怪獸, 都可以獲得額外分數.

相中就是問題的答案紙了.

 

忘了提到, 是日乃  “SAVE OUR COUNTRY PARKS – 保衛郊野公園” 的打卡日 !

如我的留言, 一年之中, 我有接近 70% 的 weekend 是在郊野公園之中渡過的, 我是絕對唔贊成發展郊野公園的一員.

多得這個政府, weekend 我想係市區找個可以 hea 的地方都難, 咪洗旨意連我們的後花園都侵佔埋 !

SAVE OUR COUNTRY PARKS – 保衛郊野公園 website : http://countryparks.hk/ 

 

開幕儀式開始, 竟然見到大嘥鬼出現 !

原來大嘥鬼好受小朋友歡迎架 ~

接著還有幾位嘉賓致詞, 當中有環境局局長黃錦星 ~

 

好, 入格了, 亦即起步點 !

如果大家未玩過, 這個活動的指定裝備, 係指南針 及 哨指, 問題係 … … 我地起步時竟然冇 mark 時間 !!

起步後,  都未到第一個 check point, 就竟然係先遇到 … … 野豬 !!

 

 

呢個就係 check point 的讀咭器 !

 

本來我地一行三人, 明明個個都睡眠不足, 話行下 hea 下就算.

點知, 唔知咩料, 行完條長樓梯上 check point 2, 我地就好似著左車咁, 係咁跑足全程, 結果真係俾我地跑左 19 個 check points !

不過新手就係新手, 由於起步冇 mark 時間, 我地玩到超左時, 50 秒咁多啦 ~

終於, 我們這 team 新手的排名係第四, 得到的後果卻是 … 真係攰, 而且仲有點酸痛 … …

 

活動過後, 我們回到灣仔.

朋友推介下, 來到經營了41 年, 卻由於租金加得太多, 被迫明年結業的樂意餐廳 !

樂意餐廳 Openrice Review : http://www.openrice.com/zh/hongkong/restaurant/%E7%81%A3%E4%BB%94-%E6%A8%82%E6%84%8F%E6%89%92%E6%88%BF/5917

 

我不肯定是否曾來過這裡用餐, 餐廳的裝潢卻跟我的兒時記憶很乎合, 就是舊年代西餐廳的格式, 那帶點歐洲風的陳設.

有點懷舊, 卻令人覺得很舒適.

 

星期日的中午時份, 只有 set lunch 6 款選擇, 由 $ 120 – 240 蚊不等.

來到這裡, 當然要鋸扒啦 ! 呢個 set lunch 真係幾好味架 ~

洋葱湯夠足料, 而且煮得很香, 配熱辣辣的法包, 不錯

牛扒要了 medium rare, 果然真係俾到我, 冇過熟, 肉質又嫩又 juicy, 如果表面能夠再煎香少少, 會更完美 ~

最後是很平凡的小件蛋糕 及 餐茶, 算是很不錯的一餐.

或許一頓午飯要 $ 160 是有點昂貴, 不過反正冇乜幾多次機會, 要試的請盡快了 !