黎到 Day 2 下午, 我地終於可以落水了 !
等待出發之時, 我們坐在潛店門外, 有隻小傢伙也來趁趁熱鬧.
小貓很熱情的哦, 只要我們坐在木椅上, 牠就會走過來, 坐在我們的大脾上小睡, 不過大熱天時抱著佢, 都真係好熱呀 !!
如果我地唔抱佢, 佢仲會訓吊床, 訓潛水書上 … …
結果 … … 我自己都訓埋一份, 爽呀 !
好野 !! 出發 ~
坐上車, 我們往機場方向而行, 一直往 Dili 西面而去, 直到來到一個長長的沙灘 !
早就說過, 在東帝汶潛水以岸潛為主, 在地上舖張地蓆, 架生則用 Ikea 藍色購物袋包著, 拆開便可以裝砌 ~
請記住一切自助, 著好裝好咪搵個地方帶上身, 轉個身便可以行進水中 … …
岸潛有岸潛的好玩, 辛苦就辛苦少少, 但值得 !
在這長沙灘下水, 總會遇上一大班在嬉水的當地小朋友, 他們一臉的好奇, 也有點興奮, 他們似乎比我這個快要下潛的人還要開心喎 !
第一潛, 例必是 Check Dive, 地點名為 Dili Rock East.
這裡的優點是水清又暖 (28度), 風平浪靜, 出入水位容易, 講真没什麼難度 … …
不過又估唔到, 岸潛都最深可以潛到去 20m, 一潛潛左成粒鐘 ~
東帝汶的水底中, 或許没太多很特別的物種 (其實是有的, 只是這裡的旅遊 / 潛水事業未有發展太耐, 配套不足 …), 但那片離岸不遠的大片 Coral, 是近年在很多潛點買少見少的 !
這群魚, 是這個潛點的主賣點, 沒有牠們都真係冇乜野好影 … …
就係 … 我同佢地一齊游左好耐水 ~
呢度的珊瑚真係好靚 … …
又密又健康 , 希望呢個地方的生態能一直維持下去, 不要被人類破壞.
因此 … 希望這裡的旅遊業能夠一直維持在只限有緣人的階段 !
我很喜歡拍水中光線的, 特別愛在水中抬頭望, 找出那陽光的所在 ~
藍色世界, 我真係好掛住你呀, 好想快點開季哦 ~
完成第一潛, 上水可以喝到可樂一罐 ~~
接著便驅車回潛店 !
潛完會肚餓架嘛, 咪煮番晚餐的淨食, 剛好醫醫肚 !
接著便是跳進泳池降溫, 順便當沖沖身, 不得了 ~
這一步很重要, 否則真係會熱爆 …
是日 … 沙灘的黃昏.
不用走遠, 只要走出潛店便可 !
日落 !
晚飯, 我們步行到離民宿不用 5 分鐘的地方, 就在一家餐廳的對角, 有一所小小食店, 吃的是墨西哥菜.
小店面積不大, 簡簡單單, 可以吃到的食品, 質素卻真真不錯 !
點了一杯西瓜汁, 佢真係開左半個小型西瓜, 來打汁給我 !
看一下食物, 份量又大又足料, 即點即整, 記得要一點小辣, 風味更好.
這一餐價格合理, 比起其他外資餐廳來說, 很抵食的了.
