上午兩潛完成, 竟然俾我地說服到 DM 加多個午潛, 咁就匆匆食個快 Lunch, 繼續下海去 ~
今回又係去 Tasi Tolu, 呢個位真係好鬼多野睇, 一個地點至少可以玩出三個 Dive sites 來 !
下午時份來到 Tasi Tolu, 海灘非常熱鬧, 我們下潛之時, 還有班大小朋友相隨出發, 場面有點混亂, 但又有少少搞笑 …
呢個潛點最不愁搵到的, 就係 Frog Fishes 了 ~
東帝汶近年多左生態學家來到做研究, 而蝦虎魚正正是他們的研究題目之一.
跟據學者們的研究, 在東帝汶水域之內, 一共可以找到至少 18 種蝦虎魚, 而我拍到的只是一小部份.
影佢地都好鬼麻煩, 如果動作太大, 又或燈光照得太中, 都會將佢地嚇得立即逃回洞中, 好鬼細膽架 … …
又搵到幾款唔同的海蛞蝓 (兔兔) 呢 ~
海龍 & 海馬一次過, 大家又識唔識分 ?!
在珊瑚下找到的紫色 Candy Crab ~
係東帝汶都搵到佢, 指腳沙鰍 !
仲有其他唔同的魚類 … …
喜愛這一群小丑魚, 單單望著他們自由地游來游去, 已經很開心 ~
真好, 下午這一潛完成了 ~
小休片刻, 時近黃昏, 我們再度出發夜潛 ~
途經相二的那個大型 Poster, 我忍唔住問 DM 係咪就黎有大時大節, 度度都插晒國旗咁慶祝 !?
原來再過多幾日就呢個國家的獨立日, 十一月二十七日並唔係指由印尼手中取回獨立權嗰日, 而係由葡萄牙手中獨立那天.
只可惜係呢日之後, 當地人足足過了接近 20 年黑暗歲月 … … 最後才算得上真正獨立 !
東帝汶的黃昏, 總有種令人覺得寫意的感覺.
在那夕陽照射之下, 一切景物都被染上了一層特別的顏色 ~
黃昏時份的海邊, 當然是潛人們所喜愛的場所 … …
太陽對我們來說, 就有如一個訊號 … …
當夕陽躲到山後之時, 也就是我們下水的時機 ~
今回又是 Tasi Tolu, 不過下水位再遠點, 今回玩的是幾排多個用車軚砌成的 Artificial Reefs ~
先來不太美, 但有型的魚類們 … …
再來小不點式的, 走 cute cute 路線的小魚們 ~
小墨又登場, 佢真係好鬼可愛咁的樣, 細細粒, 閃令令 …
佢應該係 Fireworm … …靚靚的外表 … 但係小心不要用手觸碰 !
在這些車軚之中, 最常找到 Frog Fish !
今回佢仲要一連打開了兩回大口, 但我又唔覺佢有咩食左落肚喎 … …
又可以搵到外型特別, 顏色鮮艷的 Ghost pipefishes ~
影影下相, 突然沙地上殺出一隻怪獸來 !
嘩 … 佢超大隻架, 足足有一個籃球咁大隻架 ~
另一邊, 又有一隻蛙蛙魚在等緊我 !
呢條個樣子好鬼可愛咁架 ~
又到兔兔出場 !!
呢隻野全透明, 難影到丫 !!!
仲有呢隻, 顏色幾特別的兔兔 ~
又一回玩盡支氣才上水, 回到水面已經月滿當頭 ~
潛完去食大餐了 !
今回是一家半韓式的餐廳, 外表看起來不錯, 不過估也估到定價並不便宜.
我們點了一客牛扒, 一份烤豬肉包, 半西式半韓式的菜式, 玩下自己搞出來的 fusion 丫嘛 ~
不過不失, 有點不值那個高位定價, 不過鬼叫我地在東帝汶咩, 夠飽又算味道不錯就算了 ~
