漂泊中的魚

 

近呢年我開始唔再用淋浴乳, 改用手工番梘去沖涼.

本人係一個從來唔講究護理產品的人, 就連面膜都懶得用個種, 不過自從回港定居之後, 呢 2 年開始會係天氣轉變的日子出風癩.

特別於春秋兩季, 手手腳腳會突然非常痕癢, 只要用手抓過就會出紅痕及紅點, 有時會很快散去, 也有會維持數天.

有去睇過醫生, 一致說只能塗潤膚露 及 吃防敏感藥, 結果有一回吃了會有睡意的防敏感藥, 那效力竟然長達 12 小時, 我在睡前吃了藥, 直到起床之時藥效尚未退, 開車上班途中每逢燈位都想睡著, 剛開始我倒没有為意, 只以為自己睡眠不足, 後來才想起應該是藥物的影响, 從此我寧願要捱痕癢, 都唔想再食藥了.

就係咁, 就聽說用手工梘對皮膚的刺激少一點, 會冇咁易起風癩喎, 咁咪試下囉

仲有一個原因呢, 我真係好睇唔過眼, 淋浴液的膠樽次次用完就要掉左佢, 真係覺得有點浪費 ! 再加上如果我要出海時用, 就想用番 D 天然成份製造的, 以免污染海洋.

咁多樣野加起來, 就令我改變左一個小習慣了.

我對用咩的手工梘係冇乜研究的, 得來的手工梘源自 : 買番黎, 朋友送 以及 自己造, 今回我地就係要去上堂整手工梘 !

*****

朝早要去上堂, 咁梗係要先去食早餐啦 ~

從來未去過這家 “名店”, 咁早應該唔洗排隊, 咪同朋友一齊試下囉 !

係就係唔洗點等位, 但要人齊先可以入, 下單冇幾來就有點心送到.

點心都真係幾大件頭, 份量足的, 又夠熱, 味道不錯, 但未算好食到要成日番轉頭, 間唔中遇啱黎食都唔錯 ~

呀 ! 佢個叉燒包真係幾好味喎 (我呢勁鍾意食叉燒, 叉燒餐包 同 叉燒酥 !).

 

我地呢日黎到位於深水埗的 Savon Workshop, 呢間 Workshop 原來我已經去過二次 !

第一回係上年玩的, 事隔 9 個月, 另一班朋友又想再整多次, 加上我的存貨都用到 77 88 , 咁咪又去玩下囉 ~

整梘過程就唔多講, 反正如果大家黎玩, 導師 Wince 都會教得好仔細架啦.

Savon Workshop Webpage : http://www.savonworkshop.com/

我呢就例牌係度搞搞震, 好搞笑地認真咁完成個工序, 成個過程同我中學年代做 Lab 一樣, 好玩 ~

 

 

我們上堂用的架生, 整手工梘 同 整蛋糕, 其實都幾似架喎 ~

總之左溝右搞, 混合好就可以入模 …

 

 

 

 

入左模就要等 … 等幾日手工梘先可以由流質變固體.

我地個日整完, 都要等左 3 – 4 日先可以去取梘, 而想使用手工梘的話, 就得再等 4 – 6 星期, 直至用 pH paper 試過酸鹼度合適合, 才可以使用 ~

 

除左上堂, 呢度都有材料 同 自家出品售賣.

我上回買左舊蚊磚, 帶過上山, 也放過在房間中, 結果係房真係冇俾蚊咬, 但上山放得唔夠貼身, 就覺得未夠有效.

後來問左 Wince, 話下次放係褲袋會好點 ; 問題係我行山的裝束係冇袋架, 我唯一諗到就係用佢捽落衣褲之上, 下回行山再試.

一口氣買多左幾件俾行山朋友 !

 

 

無意間走入了良記餐廳 (老鳳冰室) 吃午飯, 本來就冇乜特別期望, 點知反而吃過覺得可以再番黎 !!

店內裝潢夠心思, 似冰室之餘又有少少搞鬼, 未食都已經很有看頭 ~

良記餐廳(老鳳冰室) Openrice Review : http://www.openrice.com/zh/hongkong/r-%E8%89%AF%E8%A8%98%E9%A4%90%E5%BB%B3-%E8%80%81%E9%B3%B3%E5%86%B0%E5%AE%A4-%E6%B7%B1%E6%B0%B4%E5%9F%97-%E6%B8%AF%E5%BC%8F-r447426

 

最初睇 Menu 時, 讀到那些搞鬼名堂, 還以為只是好睇唔好食的新派茶記食品, 點知食落真係有驚喜 !

波波奶茶夠晒茶味, 但就偏甜, 要等奶茶冰溶緊 d 就好少少 ; 朋友點的紅豆奶茶, 紅豆大粒又夠粉, 相信叫呢度的紅豆冰都會好好味.

黑松露海皇炒飯 – 夠乾身又夠香, 炒得好好食.

蝦多士 – 懷舊之選, 炸得夠鬆夠脆亦唔膩, share 剛剛好 !

安格斯牛保齡球 – 呢個真係好好食呀 !!!!  面包夠脆, 配上煮林帶汁的牛肉粒, 非常出色 !

不過 3 種食品都會很飽肚, 最宜同朋友們分享分享 !

 

回程去坐巴士, 剛好看到開得燦爛的影樹 (鳳凰木), 紅遍一地 … …

今年 HK 處處都可以見到開得紅卜卜的鳳凰木群, 很顯眼也很突出, 靚 !