漂泊中的魚

 

如果問呢次西藏之旅, 邊個地方我覺得一定要去, 呢個然烏湖一定榜上有名 !

Day 5 剛到埗然烏, 阿貴直接先送我們到然烏湖逛逛, 本來有點昏昏欲睡的我倆, 一見到車窗外的景色, 立刻完全醒神晒呀 ~

唔信 ?! 你地又睇下相囉 ~

 

 

然烏湖位處 3850 米的高原, 四周由雪山所包圍著, 而湖水之源頭就理所當然的來自周邊的雪山群.

由於其位置就在川藏公路旁, 加上附近有片瑚坦草原, 是當地居民的放牧之地.

因此, 這湖慢慢在川藏線上闖出名氣 !!

 

 

呢度有個 viewing platform, 可以站在高處欣賞然烏湖的風景 !

唉 … 不得了呀, 靚到唔捨得走呀 ~

 

湖邊會發現很多叠石, 似乎遊人們都愛來這裡許願祈褔咁喎 ~

不過, 呢個湖都真係可以起浪架 !

 

 

阿貴駕車回村, 先去找找酒店 check in, 呢晚我們將在然烏村中的藍湖驛站過夜.

在然烏的藍湖驛站有 2 家, 一家在村中大街上, 一家在村外草原, 我極度推介在草原上的一家, 不為什麼, 淨係個景都贏晒  ~

 

酒店地點前有大片草原, 背靠雪山, 呢個窗外風景冇得輸啦 !?

酒店房間整潔, 仲幾光猛, 都真係舒服架 !

可惜丫, 是日天色不清, 未有機會可以觀星, 呢度地勢夠開揚, 要影星真係一流 ~

 

是日有點累, 我們早早出門吃晚飯.

然烏村不大, 食店以川菜為主, 要找到不賣辣的極為不易, 還好阿貴也是不吃辣的, 加上他常走這條路線, 有較為相熟的食店可推介.

這家庭式小店, 賣的都是簡單小菜, 材料很地道, 三餸一湯很滿足, 也很相宜 !

留意到食店的糧倉, 儲備的都是可以存放期較長的食材, 綠葉菜越往北走, 就變得越稀有了 …

 

我在 3921 米的高地, 好好休息了一晚.

“我在這, 你又在那 ?!”

 

Day 6 朝早, 本想看一下日出, 可惜未能如願, 不過能夠在雪山群中散著步看晨曦, 真係 … 好舒服呀 ~~

 

一大朝早, 同行友人没有起床, 不過我也不寂寞哦 !

這朝早有一隻小狗 及 數隻小馬, 齊齊陪我晨運哦 ~

 

 

 

是日又一個藍天白雲哦 !

然烏湖 … 真係好靚呢 ~

 

早餐時間, 再次到吃晚餐的那一家吃早餐 !

今回較特別, 早上吃湯丸, 還真是第一回哦 ~

 

阿貴說早上天氣不錯, 我們再去一回然烏湖看看風景.

路上的風景, 有藍天, 有白雲, 有雪山, 還有草地, 成張 postcard 咁 …

 

 

好天氣下, 然烏湖的水色都顯示出來了.

這天時間不夠早, 看過其他 blogger 介紹, 如果光源合適, 是可以影到雪山之倒影架 ~

不過, 有機會站在這裡, 感受過現場的壯麗, 我也很滿意的了.

 

然烏湖相接, 延綿數十公里, 邊開車邊拍照, 我地都真係花左好多時間係呢度 !

轉一道彎, 又一道不同的風景 ~

 

我們下車走到湖邊, 可以近距離欣賞連綿雪山 !

 

係高海拔地方生活了幾天, 我基本上已適應到.

呢度風景咁靚, 冇理由唔玩下影相, 而在高地跳住黎影, 可能係練氣的最好方法 … 真係 … 跳到氣喘 !

 

再走遠一點, 來到沙地之上 … (唔講真係以為係海邊 …)

點解個景真係點睇點影都咁鬼靚 … …

 

再走遠一點, 湖水顏色變得不一樣, 不再是淺藍色, 而是碧緑色的 !

 

 

早上錯過了的倒影, 在這裡我們找回了 …

錯覺地看, 這些露出來的石頭, 似唔似冰川湖中的浮冰呢 ?!

然烏湖, 有機會我都真係想再去一次, 住多晚睇下星都真係幾唔錯 ~