漂泊中的魚

 

 

如果大家有留意呢個 Blog 的 Facebook Page, 可能知道我剛剛出過門, 到訪了數年前已經很喜愛的一個地方 – 石垣島 !

以往要由 HK 去石垣島比較轉接, 要先到沖繩本島那壩機場, 再轉內陸機前往石垣, 我之前就係用呢個路線玩架啦, 詳情可以參考 “以下連結” !

好消息係自今年六月開始, 本地航空公司開了一條新航線, 只要坐大約 2 小時的機程, 就可以直達石垣島, 這簡真就係我的 Good News !

就係咁我跟幾名好友加大小契女, 一行六人成行, 由魚假期再度領軍, 出遊石垣島 !

 

 

這回來到石垣的新機場, 依然的小島風情, 國際線那邊小得可憐, 入境位置差不多一回只可以處理一班航機, 可能直飛往石垣的航班跟本不多吧 !?

我們順利入境 及 取回行李, 就到接近國內線的停車場位置, 找到租車公司的員工, 登記後就等候接駁巴士的到來.

租車公司的 office 就在石垣空港外, 大約 5 分鐘車程就到, 很近很方便.

今回一行六人, 當中有兩名小童, 當然要租架七人車先坐得晒啦.

我一早在網上預約好租車公司, 選 OTS 係去沖繩似乎較多人租呢間, 手續唔太複雜, 店員當中有一個懂英文, 所以好快就搞掂了 !

 

開住車, 我們離開了石垣空港 !

通常大部份遊人都會開車往石垣市, 不過我地就反而直奔川平灣.

了解我的朋友, 應該知道我最唔鍾意住進市區, 反而海邊才是我的最愛, 今回我用 Airbnb 租住了一間小民房, 就正正位於川平灣那邊.

石垣島的藍天白雲, 開住車咁四圍走, 真係好鬼爽 !

 

將車停在這裡, 唔係要拍汽車廣告, 而係由這裡可以遠眺川平灣 !!

遠睇都咁靚, 咁近睇咪不得了 ?!  都真係架 !

 

 

 

呢間就係我地入住的小平房, 房子面積不算很大, 但很實用的 !

進門要記得脫鞋, 日式地舖分 3 間房, 每間 2 個床舖, 側邊是飯廳及廚房, 每天早上都由我去主理大大小小團友之早餐.

洗手間空間充足, 要為小朋友們梳洗沖涼都很鬆動.

 

在飯桌上可以找到屋主留給我們的資料 及 本地資訊, WiFi 及 屋主聯絡電話都包括了.

非常細心~

 

室外就係停車位, 仲有戶外桌椅, 如果安排好, 仲可以 BBQ 添架 !

後方有小空地, 有沖洗的花晒, 又可以掛起洗過 / 濕了的衣物, 浮潛完後最啱用 !!

 

來到川平灣都有點晏, 快將要日落, 我把握時間跑到川平公園那邊, 拍一下黃昏期間, 水面平靜, 四野無人的川平灣 !

事隔數年, 風景依然美麗 !!

 

下午六時多的川平灣, 是靜悄悄的没太多人, 要找到一家在營業中的餐廳也不易, 結果我們來到這家 Guesthouse 附設的 Cafe !

自上午坐飛機到石垣島後, 一直未有食過野, 這回就連不愛吃的兩位小朋友們, 也在嚷著喊肚餓 ~

餐牌上的菜單不長, 我們每一點一款 share 來吃, 反正就得讓小朋友們醫醫肚, 大人們卻是口渴多一點.

食品不錯, 全都是即點即煮的, 新鮮熱辣辣的, 倒真係可以暫時醫醫肚 !

 

 

 

  

 

夜幕降臨, 天邊突然出現一個巨大的月亮, 把全車人都嚇了一跳.

我將車停在一旁, 人人齊心在拍月亮, 還有那在頭頂上的滿天星斗.

石垣島真係睇星星一流, 多到數唔到, 有一晚朋友仲可以拍到銀河添呀 ~~~

 

專誠開車到石垣市內那家 24 小時營業的 MaxValu, 就係為左未來數日的早餐作準備.

咁當然見到本地產的水果, 我就更忍唔住, 西瓜 / 菠蘿 / 芒果都通通放住購物籃中 !

來到沖繩, 記得要買 Blue Seal 雪糕, 而相五中那 2 大盒之口味, 係我地 Highly Recommended 的選擇, 青檸清香不膩, 而鹽餅口味則咸甜相配, 成為美味的邪惡食品 ~

結果買了一大堆, 連煙花都買埋, 一口氣買了差不多 30,000 yen 貨品, 不禁問左句, 我地係咪有咁多野買呀 ?!

 

 

 

回家煮宵夜, 都係由我親自操刀 … …

一口氣開四碗杯麵, 加可樂餅 再加以 三枚肉 放在杯麵上, 很豐富吧 ?!

飯後仲有菠蘿 配 雪糕, 實在 太太太 吸引了 ~~~~

 

第二天的早上, 天氣仍然起好, 來吧煮個早晨全餐, 配當地豆奶 (豆味超濃郁, 冇糖版本, 可自行調味 ~) 或 Green Tea Latte.

仲有西瓜作甜品, 清甜好味, 咁熱食西瓜真係一流 ~

 

 

早飯之後, 我們没有趕著出遠門, 反而行出去平房附近的一條小路, 可以沿海邊前往川平灣的沙灘 … …

水面平靜, 水質非常清澈 …

 

嘩 … 很久没見到的川平灣 !

呢度的景色, 再次見到依然令人讚嘆, 水色同風景仍然係咁靚 …

好天氣之下, 又可以出到一張又一張的 postcard !

 

水清沙幼的沙灘, 可惜呢度並不適合游水 / 浮潛, 可能係有太多觀光船在這裡航行, 因此在這裡遊覽都要多留意下周邊環境.

係咪靚到想即刻出發, 去呢度觀光一下呢 ?!

 

 

在沙灘上遇上貓 !

佢好可愛, 但真係好熱囉 … 佢一身皮毛, 點頂咁熱太陽架 ?!

 

好吧 ~

係川平灣晨完運, 咁我地可以出發去第二度玩啦 !

(我諗再黎多次石垣, 我都會選住川平灣 !! 下回要影到日出 !!! )