漂泊中的魚

 

旅程的最後一天, 全團都睡得死死的, 只有一個人可以成功起身去拍日出.

冇錯, 川平灣的地點係剛好睇到日出架, 雖然我就親自睇唔到, 但係朋友的作品就可以同大家分享下 !

係石垣島旅行的好處, 就係只要天氣許可, 日出日落星空銀河都可以拍得到 ~

 

早餐, 今回超級豐富, 特地買了石垣牛來享受一下.

石垣牛 配 八重山麵條, 這個早餐冇得頂啦啩 ?!

仲要配多件牛肉餅添, 正 ~

 

 

民房的 Check out time 為 11:00, 我地食完早餐仲有時間可以出去逛逛.

走的不遠, 就去街口那間 高嶺酒造所 參觀一下, 順道幫朋友買支梅酒.

我就唔係好飲到酒, 啤酒都已經唔係好掂, 更唔好講話酒精濃度甚高之泡盛, 不過去八卦一下呢種本地小型酒廠, 都幾有趣架.

高嶺酒造所 Webpage : http://www.cosmos.ne.jp/~omoto/

 

離開川平灣, 我們没有立即離開, 反而開車前往比底地海灘更北的 川平石崎.

川平石崎平常没有太多人前往, 除非係住係 石垣 Club Med 的住客啦.

不過由大山明美呢半個本地人推介的秘景, 我地又點會錯過丫 … …

 

川平石崎 … 呢度的風景果然冇令我地失望, 靚到丫 …

我地係呢度影左好多風景 以及 合照, 還有點覺得不夠喎 !

 

 

轉到另一邊, 可以看到一片湖 水藍的大海, 就算有點天陰, 也無損那片美景 !

 

我地無意中發現了一架停泊在岸邊的車輛, 就順著方向駛往, 最終給我們找到了一條秘道.

將車停好, 我們就要開始用 11 號巴士探險.

前路有點點難走, 唯有抱著契女, 照樣地前進 (係喎, 我真係冇諗過唔落去喎, 係抱住佢行落去囉…)

得到的結果 … 就係非常清澈的超靚無人小石灘一個 !!

 

只要再走遠一點, 仲可以去到 Club Med 之下的一個靚沙灘, 無人無垃圾, 係一個好好 Hea 的沙灘 !

大家睇下 d 水可以幾清, 水質比米原海灘仲好 !

我地留意到有人會黎呢邊釣魚, 而且對出的小半島附近, 停了很多潛水船, 因此推斷呢邊的海洋生態應該很不錯.

講多次都要, 有機會我要黎呢度潛下水 ~~

 

好囉, 時間差不多, 我地要開始前往機場了.

在米原附近, 有一家小店係我多年前到石垣時, 已經非常喜歡的, 估唔到今回仲可以有機再到訪 !

呢間小店的積木超級可愛, 而且大都是以海洋生物為主, 真係件件都想買番屋企.

最後, 我買左佢一盒以十週年為名的紀念版積本 … 都係嗰句… 又靚又可愛哦 !!!!

irumo @ 石垣島 Webpage : http://www.h7.dion.ne.jp/~tapeclub/

 

前往機場之路線, 走了條小路, 估唔到係上小山丘架喎 …

就咁, 又有好風景可以欣賞到 …

 

 

最後, 來到機場附近 …

我們見到相二中的橋狀物, 剛在討論其作用時, 答案就立時出現在眼前 …

哈哈… 原來係飛機降落的航道黎架 …. 勁 !!

 

成功回到機場, 讓團友們先下車, 我再去還車, 非常順利.

HKE 在石坦開線不久, 因此職員們對於手續上有點生疏, 還好日本人的禮貌及服務態度真係冇可挑剔, 我地乖乖地慢慢等.

 

完成手續, 記得先去國內線大堂逛逛, 食店跟手信店都在這邊.

我們邊買又邊吃, 最特別的 Royce 石垣版在這裡全找到, 口味有 : 泡盛, 芒果, 菠蘿, 黑糖 以及 熱情果, 買齊一套都唔會太貴 !

吃夠買夠, 我地才返回國際線登機 …

 

以為上左機就會冇野影  ?!

 

起左飛都可以有咁好 view !!??

 

以為飛遠了 ?! 原來石垣島全景就在飛機的窗外, 就連另一個小島都被我地拍下來 …

朋友說相五中的是波照間島, 望落去都幾似, 唔知係咪真係呢 ?!

 

好吧 ! 小休一下 … 看下雲, 看下海 …

2 小時左右又可以回到 HK !

 

白天回港的好處, 就係有機會欣賞到 HK 本地的風景, 睇下又看到了大帽山了 !

接著就係一幕又一幕的市區照, 直到我地回到大嶼山 …

今個旅程就算是告一段落了, 但我就好快又再次出發去日本囉 ~~~