漂泊中的魚

 

話就話會暫別半年, 但可以更新到的話, 我都會繼續架 !

今趟長征的第一站, 就係我的老家 英國.

有睇開呢度的朋友, 都知道呢個 Blog 係我由英國開始寫起, 慢慢再建立而成, 對英國呢個地方, 我就係特別的鍾情.

今回我地取道法國, 轉了一程機直達 West Midland 的 Birmingham !

我明明預早己訂好了租車, 點知去到又 sell 呢樣, 又sell 個樣, 結果我預訂的車都係冇左, 個 staff 最後咪又係死死地氣俾個 免費 upgrade 我 …. …

 

將車一口氣開到去朋友家, 未來幾天都在朋友家中打搞, 而朋友第一餐請我去吃的, 就係非常英式的 Sunday Roast.

呢餐真係好抵食, 肉質唔會死死實實, 配菜多到將碟盛滿, 總之就係會食到好飽啦 !

 

飯後得到好天氣, 朋友的兒子也剛從熟睡中醒來, 那就出門散步吧 !

朋友住在近郊區附近, 剛好有數條小徑可以散步, 不用走遠已經是大片大片草地, 還有古式教堂一座, 果然不失英式氣派呀下 !

 

有時要求並唔多, 只想一大片咁的草地俾我地去散步, 係 HK 都真係幾難實現囉 …

 

野莓, 可遇不可求哦 … 估唔到仲幾甜添呀 !

 

今回番老家是有任務在身, 要去大學交流一下.

都忘了我有多久没踏進校園, 這回可以再次感受一下做學生的感覺, 又或 … 其實我係要黎講書架囉.

五年没有用英文教學, 生疏自然是有一點, 但幸好還是過關了.

 

Coventry 想來是一個冷門旅遊點, 本地人都未必會特意去, 更何況係 HK 人呢.

這個地方的建築其實很美, 以 Sandstone 為主, 後因為戰爭差點被移為平地, 最後一座被炸毁到只淨下空殼的教堂被保留下來, Coventry Cathedral 成為這裡的一個出名景點.

 

呢度除左有遺跡睇之餘, 只要付 2.5 pounds, 就可以上埋鐘樓, 由高處看一下 Coventry 的風景.

呢條螺旋形樓梯唔難行的, 係窄點及轉得好密, 行完真係會有少少頭暈架 !

 

Coventry 的城市內, 仍然保留到部份舊式建築, 只要漫步在街頭, 細心一點就可以找到.

我在小公園內與松鼠相遇, 牠在向我要吃的, 邊走邊跟著我, 直到我打算影牠, 牠發現目標未能達成, 便頭也不回地閃了.

 

 

 

 

 

無意中來到這家 Herbert Art Gallery & Museum, 竟然有 Lego 的免費展覽正在舉行中, 實在係 bonus 呀 !

 

世界各地的景點也被砌出來了, 只看相會估得到是那些地方嘛 ?! (答案遲些提供)

 

 

Safari 都真係好正喎 !

 

機場都被佢砌左出黎, 勁 !

 

金字塔建成之謎 ?!

呢張北極光, 會唔會令大家有想去北歐的衝動 ?!

 

以前的 London Bridge, 應該係未 falling down 前的樣囉 … …

 

Coventry 的代表 !

 

 

行完剛好食埋個 lunch, 咁先番去大學講書, 時間剛剛好呀 !