漂泊中的魚

 

 

經過了一星期的 study visit, 我終於要出發去跟朋友們會合了.

這天早上還有時間, 就跟小朋友去公園逛逛.

英國的公園係可以好鬼大, 呢個公園大到有湖, 就連 playground 都有幾個.

最勁係我地入左去個 Playground, 個 setting 係連大人玩都冇問題, 超正 !

 

 

 

我們之前找好了個集合地點, 結果就在 Chester 火車站, 我成功接到佢地啦 !

雖然時近下午, 我們還有點時間, 就先在 Chester 內遊覽一下 ~

Chester 市內最出名, 應該就係佢的特色建築, 古色古香的外型, 都幾吸引遊客架 !

 

我地 3 個原來都未食午飯, 咁就啱啦, 齊齊黎個 afternoon tea 先 !

呢間餐廳竟然有 Sandwiches + Scone + Tea 的 set, 可惜件 Scone 太乾, 唔係我鍾意食個種質地.

唔緊要, 黎緊應該仲大把機會食到 !!

 

行到 Eastgate, 一個非常有型的鐘樓式城門, 呢度可算是個城市的 Landmark 之一.

路邊有個很隱蔽的角落, 是通往上城牆的樓梯, 咁就可以冮到去 Eastgate 架啦 ~

由 Eastgate 上影到的風景很不錯, 值得一上, 如果有時間就不妨沿城牆走上一圈吧 !

 

我們時間不多, 就短短的只走到 Chester Cathedral 附近, 主要係呢邊個景夠靚.

有古樓, 有黃葉, 仲有草地, 夠晒詩情畫意啦 ~

 

 

秋季就係松鼠們最活躍之時, 我地停留左一陣觀察佢地, 似乎係度玩, 但似乎又打緊交咁, 總之就係走黎走去好忙咁啦 !

佢地真係好百厭 !!

 

行埋個 Cathedral 的外圍, 差唔多要離開 Chester 了.

美好的事情隨時發生, 就在準備離開之時, 日落出現了 … …

 

我一口氣將車駛去 North Wales 的 Bala, 終於在晚飯前到達目的地.

就在村中的 Pub 吃晚飯, 很典型的英國 Pub Foods, 不過今回番黎, 我覺得英國人的 portion size 似乎又增加了, 相中的每一款食物, 似乎都是係一個人吃不完的份量, 再加埋個甜品, 都真係好鬼飽囉 …

 

是日預訂的 B&B  Glan Y Gro 真係好正, 位處 Lake Bala 之旁, 風景固然很好.

房間非常舒適, 暖氣同熱水都很充足, 係一個咁郊區的地方, 保暖都真係好重要.

Glan Y Gro Webpage : http://www.glan-y-gro.com/

Glan Y Gro Tripadvisor Review :

 

呢度的早餐, 又係超大份架, 如果唔想浪費食物, 最好預先寫明份量啦, 例如幾多食雞蛋 … etc.

望住湖景食早餐, 呢個仲唔係一個美好的開始 ?!

 

早餐其中一個選擇, 就係巨型 crepes, 裡面包左生果, 外邊再洒上糖粉同淋左糖漿, 好味而且大份量, 值得推介 !

 

 

B & B 的周邊風景.

雖然屋外有火車軌, 但我估班次有都很疏落, 至少我 2 晚都冇聽到有火車經過 (我係開左窗瞓架).

大家如果有機會來到 North Wales, 可以考慮黎呢附近玩同住, 真係幾舒服的一個 location !