漂泊中的魚

 

出門在外, 真係冇乜幾多日可以寫 Blog, 出走了一個月啦, 去都去左 3 個國家, 但仲係寫緊英國 …

算啦, 等我出埋英國呢, 就會快手好多架啦 !

上回講到我地離開左 Wales, 入住到在山中的 Paradise Farmhouse, 呢區有一個很有名的景點路線, 名為 The Black and White Trail. 呢條路線會走過幾個小鎮, 全部都保留著唔少的黑白色小屋, 這種黑白色木建小屋係 medieval period 時期的建築物, 都真係有番咁上下的日子 !

The Black and White Trail Webpage : http://www.blackandwhitetrail.org/

我地由最近的 Kington 作起點, 呢個小鎮都幾靚, 不過面積頗為細小, 亦唔算太多黑白木屋, 因此係咁逛逛就開車走了 … …

 

第二站係 Pembridge, 呢個我覺得係 The Black & White Trail 當中最美的小鎮, 在這裡就會明白為何呢條叫 The Black & White Trail, 因為 … 成條大道兩旁基本上都係保留著黑白木屋的, 有些年代要再久遠一點, 又或被塗冮了不同的顏色 !

在小鎮中, 有一家 Ye Olde Steppes 的餐廳, 由一班很有心人在經營著, 店內有遊客卻更多是熟客仔, 他們入來總能跟老闆娘閒聊幾句的. 事實上老闆良真係幾 friendly, 我們入坐後她間中都會跟我們聊幾,句, 不過由於人手有限, 佢地真係幾忙架, 因此在這裡用餐要花點時間, 趕時間就免了.

Ye Olde Steppes Webpage : http://www.yeoldesteppes.co.uk/

 

 

 

我們入坐後, 等得來點了午餐, 再吃完個甜品, 差不多花了 2 個多小時. 午餐賣的是英式傳統食品, 食物質素真係一流, 甜品更是令人眼花撩亂, 一枱十款任君去選擇, 保證總有一種合心意, 我們都很滿意這一餐哦 !

 

飯後可以由餐廳後門離開, 會直通去後方的 Pembridge Church, 是個散步的好地方 !

係 Church 隔離有一座古老的鐘樓, 可以入內參觀的 ~

 

沿 East & West Street 而行, 可以發現大量黑白木屋, 有大間有細間, 仲有點點 irregular 添, 很古怪又很有性格的設計 !

最古老的那一橦, 印象中在 West Street 那邊, 係咪好有電影場景 Feel ?!

 

再次開車, 我地去多一個景點, 另一個 黑白小鎮 – Weobley !

Weobley 呢個小鎮不比 Pembridge 遜色, 是另一個欣賞小鎮的好去處 !

我們將車停在鎮中一個小停車場, 旁邊已經就係大草地, 一地都係羊呀  !!!!

 

 

 

Weobley 鎮內有一座教堂, 都算係呢度的 Landmark, 都真係老遠都見得到 !

The Church of St Peter and St Paul 原來好有歷史, 係 13 – 14th century 的建築物, 有時間記得行埋過去望望 …

 

小鎮內滿街都是黑白木屋, 街頭街尾都可以找到, 最古老那一橦在村的一角, 可惜到訪之時剛好在復修之中, 因此無緣拍低其外貎啦 ~

 

是日行程算是完結, 開車回 Farmhouse 之時, 經過了過了營業時間的 Cider Factory, 這區盛產蘋果, 近年 Cider 仲成為很多人喜愛的飲品, 因此這區除了多蘋果汁賣, 就仲有好多唔同 Cider 的牌子.

 

第二天, 繼續 The Black & White Trail 的其中一個小鎮 – Leominster !

呢度黑白木屋不算多, 但勝在條 High Street 夠長, 夠多小商店去逛, 我們在這裡都逛了好一陣, 仲要人人都買到了東西, 我竟然係度搵到一盒 Playmobil Diver 呀 !!!

朋友想吃 pie, 那 cornish pasty 應該係其中一個好吃的版本, 以往在英國居住之時, 如果想吃一個飽肚又熱辣辣的午餐, 這種 pie / pasty 就會係又好食又抵買之選 !  今回買呢個都好味, 夠足料 !!

 

再來我們入城, 來到 Hereford !

不太愛入城, 因為實塞車, 跟住搵 carpark 又煩, 好在都晏入城, 搵 carpark 都易少少.

第一站先去左 butter market, 很典型的英式 market, Birmingham 個要大佢好多, 又多野賣過呢度, 因此我地並没有留太久.

接著是廣場中的那個黑白木屋建築物, 原來都是 historic building 黎架  !

 

 

多走 2 步, 可以去到本城的另一角, 似乎現今的城市都少不了這種新式的 shopping mall / complex, 我地都係過黎呢度搵食, 大多食店為連鎖店來的, 最後選了一家頗不錯的, 食物又大份, 味道又不差, 三個人吃得很滿足 …

 

來到 Hereford 實在不得不來看一下這座 Hereford Cathedral, 除左座教堂本身靚之外, 周邊的環境都好靚, 仲有個公園可以行下添 ~

選了個日落黃昏時間來, 夕陽的光線剛好打在教堂上, 顏色特別的閃亮 !!

 

離開 Hereford, 我們繼續開車到是日落腳之地, 沿途看到了日落黃昏的景色 !

外國的天空總是可以很廣濶的, 令人的視野也特別的廣闊, 就會有一種令人舒心的感覺 ~

我想我喜愛郊外, 也喜愛行山, 也應該是這個原因吧 ?!