這個星期, 天文台明明話天氣會轉差, 點知等黎等去, 除左熱了點又焗了點之外, 都不知幾好天呀 !
我地本來仲擔心要取消本星期的 Fun Dive, 結果 … 個日曬到傻哦 ~~
今回係同潛友們去漁排, 我呢期實在鍾意漁排多過上船, 快艇出人少一點, 自由度又高點.
唯獨黃石出船, 開車入去就要有俾人炒牌的心理準備囉 !
是日天氣雖然穩定, 但卻也大湧了點, 第一潛下了打浪排, 真係水面又搖, 落到水底都在搖, 唔信 ?! 陣間睇埋個 Video 啦, 兔兔在玩大風吹 ~
第一潛水溫很好, 27 度水, 一點不會覺得凍 !
最深去到 15 米, 玩了 50 分鐘, 左搵右搵找兔兔 …
係呀 … 我其實齋對兔兔有興趣架咋, 結果只找到 2 款 ~
今回打浪排都算幾清, 而且仲幾多魚下.
相二的唔係微粒黎架, 全部都係躲在海刺附近的魚毛仔 …
仲唔俾我搵到你 .,. 咪郁 ! 等我影左你先 ~
第二潛, 我地去左獨牛.
上回獨牛就係夜潛, 今回就試下日潛 …
呢邊水溫較低, 25 度左右, 但只要一落多過 10 m就覺得凍, 我死都唔肯再落去, 最深只係去到 13 m, 長期只留在 7m 左右… 結果咪玩左成個鐘都仲有氣剩囉 ~
頭半小時好悶, 冇咩野睇 又冇咩影, 好在 … … 終於又搵到幾隻兔啦 ~
之前見到巨型兔, 話搵唔到佢的一對觸鬚, 今回就俾我影到 close up 啦 ~
我係某個石面, 一口氣見到半打巨型兔, 真係 … 醜樣到令人有點打冷震 !
Buddy 對我指了一指, 叫我過去影呢隻野 …
埋到去 … 玩野呀 ?! 隻野細到咁, 我部機仔點 focus 呀 ?!
等了又等, 等到個湧冇咁搖就快手閃 2 張, 竟然都影到喎 !!
頭先就鬼咁細, 但突然又殺出隻鬼咁大的偽裝蟹黎 ?!
今回的 Cowry 連貝帶身體, 原來個身都係有紅色波點架喎 ~
上水前, 我們與一群魷魚相遇了 … …
是日 2 潛完成, 回漁排卸下及清洗裝備, 換番件衫就有午飯食 !
黎左漁排咁多次, 第一回喺漁排上食飯, 原來咁好伙食架喎 !!
下回要再去玩過 ~~
