漂泊中的魚

 

 

一年一度的收米季節又到了 !!

大家有冇睇過我去年的介紹呢 ?!

冇錯 ! 本星期我們再次出動到上水塱原, 齊齊去稻田上開工 ~

嘩 ! 今回天氣 180 度轉變喎 ! 去年我們太陽高掛, 熱得人人差點中暑, 今回嘛 … … 我們得到雷暴警告及間中的大雨囉 ~

不過即使天氣不怎麼樣, 塱原的風景依然很美, 很不一樣的 HK 吧 ?!

去年的遊記 : HK : 收米囉 ! @ 上水塱原

 

 

去年來時荷花正盛, 今回蓮蓬已採 ~

不過原來被取走了蓮子的蓮蓬, 還可以晒亁來用, 聞說用來煲水可以清熱的哦 ~

 

好啦 ! 整理好一身裝束, 我們下田開工啦 ~

今回有經驗, 唔想赤腳下田 (其實也没什麼, 就是較易弄捐腳板), 我帶了一對舊的潛水 Boot, 非常有用哦 ~

比起用水靴, 潛水 Boot 反而更貼腳, 更易從泥濘中拔出 !

 

來囉 ~ 我要開工了 ~

真心想講, 唔落過田, 大家真係唔知種米可以有多辛苦架 !

我地這天只在幫忙最後一步, 也不過只收割了小小一角, 半天已經會有累的感覺, 請想像一下農夫到底有多辛勞呢 ?!

不過有了去年的經驗, 加上這天天氣較涼快, 我們的進度也就爽快一點 ~

 

 

 

這道田園風景, 大家真係如此捨得就此放棄 ?!

 

可惜, 是日天公不造美 …

來到中午過後, 接連大雨連場, 我們混身濕透, 被迫提早收工 !

無懼天氣的小孩就最開心, 穿上雨衣, 再加對水靴, 在雨中下田跑個痛快, 現世代還有多少家長不但容許, 而且鼓勵的呢 ?!

 

天色變幻莫測, 一下子大雨, 一下子放晴, 變臉快得無可估計.

既然可以收工, 我們也準備要離開了 …

 

全身濕透的我們, 還好一早準備了替換衣物.

用水沖走了混身泥濘, 再換過全身衣服, 立即舒服晒呀 !

真係 … 收米都可以濕過潛水哦 ~

離開之時, 還看到了藍天, 是否 … 有點估佢唔到丫 ~

不過事實證明, 下午還是大雨連場, 所以早點撤退也是好事 ~

唔緊要, 接住第二季再續 !!