本星期繼續出海, 早上給雷响吵醒了, 下著雨還是開車前往西貢.
是日早上天氣不太好, 海面有浪, 最後還是出發火石, 到場才發現真係非常旺場, 計埋我地足足有 6 條潛船咁多 ~
火石這個地方, 其實真係幾靚架, 一排排六角柱石, 幾咁吸引的風景 !
往水中一跳, 下潛到 19 米, 能見度不算好, 3 米左右, 但也足夠我們慢慢去玩 ~
呢期最常去小洞穴前碰碰運氣, 看看找不找到 Goby 們, 今回俾我搵到條小朋友, 可能見我守住係佢門口, 即刻 O 晒咀 !
外星人要降落了 …
呢 2 隻野 … 有冇可以食到咁鬼大隻架 ?!
2 隻肥仔仲要迫埋一齊, 有點搞鬼 ~
是日水有多清, 你睇下我 Buddy 的身影有多模糊吧 ?!
不過呢度都算幾多魚丫, 感覺不錯 !
嘩 ! 呢條醫生魚真係好盡責架, 條雞泡游到去邊, 醫生魚都會死跟, 間中仲會幫雞泡魚清理幾口咁, 好過癮的一對 ~
下午轉潛牛尾 …
呢度曾經見過一對蛙蛙魚, 但今年好似冇乜聽過佢地的消息 … 希望只係水濁找不到吧 ~
下水 8m, 慢慢往海岸線前進, 沿途搜尋拍攝題材 … …
又俾我係某小洞中找到佢 … …
佢地總是帶著一副天然呆的樣子, 確實很令人想拍下來 ~
小魚, 小魚 … 大的小丑魚我鬥不過, 那就去欺負 (笑) 體型較小的啦 ~
没找到什麼好東西, 海葵都拍一餐, 搵齊三色了 ~
幸好有出海, 下午天氣太好了, 藍天白雲, 正是出海好天氣 ~
舒舒服服又一天 !
